هنا

[مرتضى الطيب]

شنشد الرحال .... الى وادي السلام الأن .....
للقاء عبد الحسين الحلفي وكاظم اسماعيل الكاطع...
تذوقوا هذه القصائد .... للعمالقة...


نبدأ بكاظم اسماعيل الكاطع...


متت وياي من أول ....وتريد اتعيش من ثاني..؟؟
كتلتك جا صرت مثلي....وتريد اتصير جتالي...
أحسّ ظلك يرافكني...ويكبر من تجي الظلمة...
يصير اخيول وحشية وتطاردني...
أروح الوين..؟؟؟رحت بكل مكان وسيفك اكبالي....
أروح الوين..؟؟؟إلا اشلع جذر كلبي بشرايينه...
واجمع نار واحرك كلشي من بالي...
أحسّك ظل يرافكني...يضحكني ويبّجيني...
يسّكتني ويحّجيني...أروح الوين..؟؟؟
شكثر من بحر ذبّيت بي روحي...
ولكيتك عالجرف ...تابوت تبرالي..؟؟؟
أحسّك مدري شنهي انت..؟؟
بحر بجفوفي يتبدّه...واريد اشرب ولا كطره...
وَشوف الروح مثل الروج تتكسر على الصخرة...
ونه وطرواك طاحونة هوى ...ايفرنه الهوى العالي...
يا شارع يلمني ابليل...ماكو بيت من سوالفك خالي...؟؟
أروح الوين..؟؟؟
شكثر من بحر ذبّيت بي روحي...
ولكيتك عالجرف تابوت تبرالي..؟؟؟
وعليّ اتصيح ضنيت العشك وركة رسالة...
وتاهت اويه الريح...
ونه الخنجر دفنته وغلفه الزنجار...
نمت وما دريت الريح...تاخذهه الرسالة لكبرك السهران...
واتدّليك بالعنوان...
واتردّك عليّه اردود...غيم وريح...
يا شارع يلمني ابليل...كل كطرة مطر صخرة اعله راسي اتطيح...
أحسّك ساجية ابلا ماي تتبعني...
أمشي وهيّ تتبعني...
ألتفّ بالدرب...تلتفّ عله أيدي...تصير حيّه وحيل تلسعني...
خذت سمهه بوريدي ولذت بالبستان...
صرت ويّه الشجر ...شجره...
وسمّوني ابوكتهه ....(شجرة النسيان)...
واكعد من منامي وجني ما مكتول...
أثاريني جنت حلمان...حلمان....


نقف الأن أمام كلمات عبد الحسين الحلفي

أذا احجي وي غيرك قصدي وياك
واذا حبـــــــيت غيرك انت أعنيك
مــــااذكرك بـــــــس جذب أنساك
واذا أنا اذكـــرت يعني أنا ناسيك
عقلي الماعرف هــــــــذا ولاذاك
ولاأنا الـعرفني شــــــعـرفه بـيك
ماأفتهم كل شي بغير طـــــرواك
مسودن وأفتهم كل شي منلاكيك
كتبت راح أكرهك وتوقع أنساك
حدرها وقعت صرت أنا مجنون
رجعت أتأكدت شو طلعت أهواك
ردت أمسحها زادت ترست الكون
أذن أهواك كون يدور بيه
ولابيها مجال أنساك هيهات
واذا انه ارد اكلك كافي جيه
لساني أيكول مو تكطع الجيات
زين لساني شوف جفوف أيديه
على مودك يسرتي لوت يمناي
ينسني من احضنك هاي هيه
اردن هاي كوه اتروحلك هاي
ضجت منك وكلبي أسوه بيه
كطع نبضه وزعل وتعارك وياي

[ღ عِشق ღ]

خليط رائع بين قمتي الشعر الگاطع والمرحوم الحلفي

[كرار الحسيني]

جميل جدا