كلتلهم ابطايح ماتصح ثارات!- حسين الساعدي
ينكشفن عليه اشما أغطيهن
طعنات الاجن منك دخت بيهن!!!
,,
ميعرفن العيب الفشلتي امفزعات!
للشامت ايصيحن من يلاكيهن!
,,
ماسمعن نصيحه ومكصد الغايات!
هنه المن اديك اشلون أربيهن!!
,,
كالوا طاح ذاك الطاعنك طعنات,,
ثاراتك اهواي المن تخليهن!!
,,
كلتلهم ابطايح ما تصح ثارات
فشله ابطايح الثارات أصفيهن!
,,
بس رتك اتكوم وتسمع احجايات
وبيهن راح أطيحك لمن أحجيهن!!
,,
طعنات البظهري امرافكه اللجمات!
ضل بس خنجرك يمهن يواسيهن!
,,
ما شايف اجروح امصاحبه الشمات
ما طابن اسنين ,,, وانه أداريهن!
,,
لأن بيد االحقير الغادر البذات
أكبر مشفه ما يكدر يداويهن!!!
,,
مثلك ما أفكر بالغدر ,, هيهات
عفت الذله لعيونك تبجيهن!!
عفت الذله لعيونك تبجيهن!
حسين االساعدي
رد مع اقتباس
المشاركة الأصلية كتبت بواسطة هـآئِـم ۦٰ
