رجعت من ايامي انه وياك ولاگيت كلبي مطشره احلامه
رجعت ومغطي وجهي من الناس
وهو الحرامي يغطي وجهه بلثامه
وانه مو حرامي غطيت الوجه لا
انه الطشروله سنينه وايامه
وكالوها ربك مايطك بحجار
ربك طكني بيك وكسر الجامه
عفتلك بشر شاف بيك كل الحياة
وانته صرتله حبل اعدامه
وشايف اليفكدله بشر عزيز
يصبح الصبح وليله مينامه
يضل يحسب ايام الفقد
وتودي وتجيبه اوهامه
انه هيج رجعت منك
طفل يرسم وضاعت اقلامه

مسرى الخالدي