ردی الخاطر الله لا تبارینی
ردی لخاطر الله لا تبارینـــی
غرّگنی العشگ محد ینجّینی
***
اول یوم حبنه کمّلیته احــــــذاچ
ما خنت العهد کل وکتی آنه اویاچ
او لو طحتی ابظلیمه گلبی یتفداچ
و انه غیر الحزن محد یشچیــنی
ردی لخاطر الله لا تبارینـــی
غرّگنی العشگ محد ینجّینی
***
ملّیت او سهرت اللیل لعیونــــــچ
کل هذا التعب والغیری یردونـــــچ
انه الربیت او من عندی یصیدونــچ
یم درب الخطر ممدود عوفینی
ردی لخاطر الله لا تبارینـــی
غرّگنی العشگ محد ینجّینی
***
ابد ما ارید انوحن بطّلیت النوح
کفّی امن العتب واتکتری یا روح
گلبی من عذابه شیب او مجروح
علی چفت البحر مطروح شوفینی
ردی لخاطر الله لا تبارینـــی
غرّگنی العشگ محد ینجّینی
***
طشرنه الزمان او هدم اشما راد
شددنه الجروح ابکل حبل ما فاد
تابعنه العریضی الطایش اببغداد
علی گلبی او حیاتی ظل یداعینی
ردی لخاطر الله لا تبارینـــی
غرّگنی العشگ محد ینجّینی
رد مع اقتباس
المشاركة الأصلية كتبت بواسطة ريف.
