اذا ما تحجي بالزين!,,,,, أكرمنا ابسكوتك
ترى احجايتك بعدين ,,,,راح اتضراخوتك
كافي اتهمبل اهواي!
تهده وافهم الراي
بينك بيني مترين ,, ليش اتعلي صوتك!!
اذا ما تحجي بالزين!,,, أكرمنا ابسكوتك
:::::
لازم عندك احساس,, تسمع لليسمعك
تقدر دمعة الناس,,, حتى ايهمنا دمعك!
مثل ما انته مجروح
الوادم شايله اجروح!
ما فاتتهم احكوك,,,ليش الحك يفوتك!!
اذا ما تحجي بالزين!,, أكرمنا ابسكوتك
:::::
الشالك ساعة الضيج ,,, ليش اتعوفك طايح!
العازه اتنشف الريج,,,, وانته ابهايه رايح!!
شو ما تنطي الانطاك!
عفته وهو ينخاك!
ترى الناس اليموتون,,, وراهم يعني موتك!
اذا ما تحجي بالزين!,, أكرمنا ابسكوتك,,,
::::::
اذا ما تحجي بالزين!,,,,, أكرمنا ابسكوتك
ترى احجايتك بعدين ,,,,راح اتضراخوتك
كافي اتهمبل اهواي!
تهده وافهم الراي
بينك بيني مترين ,, ليش اتعلي صوتك!!
اذا ما تحجي بالزين!,,, أكرمنا ابسكوتك
حسين االساعدي