هنا

[تاليا♪]

السلام عليكم ورحمة الله وبركاته
صارلنا سنين نگول شنو هالتفاهات اللي جاي نشوفها بالسوشل ميديا وشنو هالشخصيات الهزيلة اللي جاي تظهر وتحجي باسم العراق والعراقيين وتخزي سمعة العراق بمحتواها الهابط وبوسط تذمر شعبي كبير للتخلص من بنين الموسوي وسعلوسة وايناس الخالدي وعصفورة بغداد والخ
لما اجانا شخص وحاول يخطي خطوة وحدة حلوة داشوف الاغلبية بدأت تنشر بالگروبات شنو هالتقييد للحريات شنو هالنوع الجديد من سياسة تكميم الافواه!!
طيب ليش مو انتو جنتوا تتذمرون منهم!!
وثانياً شنو محتواهم المفيد اللي جاي تسويلة وزارة الداخلية تقييد للحرية؟!!
بكل دول العالم اكو رقابة على شاشات التلفزيون والاعلام باعتبارها تعكس صورة البلد شمعنى لما بدأ يتطبق عدنا هالنظام صار الكل يصيح تكميم افواه؟!
حتى تركيا اللي جانت سبب بأنحلال90% من المجتمع العربي بسبب مسلسلاتها هم عدهم رقابة على المشاهد اللي تطلع حصراً بتركيا ويفرضون غرامات مالية على الشركات المنتجة واحياناً تنمنع الحلقة من النزول واحياناً يتم توقيف المخرج
شمعنى احنة غير !!!
ولازم نطبل لام فهد ولعلي الشريفي ولعصفورة بغداد وهم ينشرون عهرهم حتى لاتتقيد حرياتهم!!
ممكن تطرحون ارائكم ؟

[المستشار القانوني]

وعليكم السلام ورحمة الله وبركاته..
نعم نحن مع هذه الحملة.. لمعاقبة أصحاب المحتوى الهابط..
لكن أرى انهم بالغوا بها كثيرا... فالعديد من الذين شملتهم العقوبات محتواهم كوميدي.. تمثيلي جميل.. تحياتي لك
..

[زينب | ١٤٢٤ هـ]

احس مو مصدكه حرفيا اول خطوه يسويه العراق بيه خيررر كفووو جاي نتغير للاحسن

[أكرم.]

وعلي من اشوفهم احس مصاريني تنشلع
......
احنه قروده ما يعجبنه عجب
ومالنا راي ثابت كل دقيقة راي

[زهرة اللوتــس]

بالعكس حبيبتي احنه مع هاي الخطوة وعاشت ايدهم ، بس الخوف ان تتحول الي تكميم افواه وينحرف توجهها الى شكو شخص يخالفهم يسجنوه بدعوى محتوى هابط .. بس هذا اللي خايفين منه يعني بعد احتمال مانكدر ننتقد فلان خط احمر او تاج راس او هيج شي ..

بس اذا بقت بس على المحتوى التافه بالعكس كلش خطوة جيدة وعاشت ايدهم

[حسام البيرماني شيزر]

وعليكم السلام ورحمة الله وبركاته

خطوة صحيحة جداً والأفضل أن تكون سواسية بالقرار
ووبالاخص تلك الالفاظ التي اصبحت تتفوه بها الكبار والاطفال بالاماكن العامة
أما بخصوص المتملقين كثيرين
لحظة ينتقد ولحظة يؤيد
يا مكثرهم

شكرا ع الموضوع
تقبلي مروري

[الرميثي]

اولا : من وجهة نظر من هاي الناحية
اشوف ان الخلل بينا نحن
فلو لم نكن هابطين بمستوانا لما تقبلنا متابعة من امثال
بنين الموسوي وسعلوسة وايناس الخالدي وعصفورة بغداد
ولترفعنا من مشهادة هذه التوافه التي تنتشر عبر الانترنت
ولايصير لهم جمهور ومتابعين اصلاً
وثانيا : نحن مع الفوضى دائما لدرجة ان حتى الذين يريدون
ان يعيدوا الامور الى مسارها الصحيح يُجابهون بمعارضة
التعبير الجاهز (( تكميم الافواه ))
وهذا ادى بالنتيجة الى انحراف حتى المجتمع العراقي مع كل الاسف
فلا العادات العراقية ولا الاعراف العراقية بقيت على ما هي عليه
فسادت افعال في المتجمع هي غريبة عليه ولم تكن من ضمن موروثاته
الاصيلة وافكاره الخلاقة والمحافظة .
واكيد الكلام يطول في هذا المجال وكل واحد منا وله رأي .

[العراب ']

خطة استخباراتية اهدافها المعلنة محاربة المحتوى الهابط ، واهدافها المبطنة سيكشفها الشعب قريباً .
فكان الأولى بهم محاربة المستويات الهابطة من الخدمات الصحية والتعليمية ، والفساد والرشوة .
فهم بدلاً من محاربة هذه السلوكيات كان الأجدر وضع خطط لتحسين مستوى الذوق العام حتى يترفع الناس عن مشاهدة مثل هذا المحتوى، فمثل هذه الحلول الترقيعية سوف يقع ضحيتها اشخاص بسطاء امثال سعلوسة وصچمة وغيرهم من الذين دفع بهم الفقر وضنك العيش الى اتباع هذه الطرق للتكسب والحصول على لقمة العيش عن طريق مواقع التواصل .
ان هذه الخطوة اشبه بتربية الطفل عن طريق المنع والحرمان والعقاب ، دون اتباع طريقة الثواب والتحفيز .
بالمقابل ماذا ستقدم الحكومة من دعم لأصحاب المحتوى الهادف والمتميز ؟ وماذا ستفعل لو ظهر محتوى هابط لنجل السيد المالكي ، او صديق مقرب من مقتدى الصدر او نسيب لقيس الخزعلي ؟

[الرميثي]

فكان الأولى بهم محاربة المستويات الهابطة من الخدمات الصحية والتعليمية ،
والفساد والرشوة .

نعم استاذي انا معك في ان هذه النقطة مستواها هابط
من حيث تقديم الخدمات والفساد والرشوة ويجب معالجتها
ولكن هذا لايعني ان نترك معالجات الجوانب الاجتماعية الاخرى
والتي تتعلق بالسلوك العام للمجتمع
مادام هناك فشل وفساد مستشري بدوائر الدولة

فالنبدأ بهن واحدة واحدة ثم نصل الى قمة المعالجات
وهي محاربة الفساد والرشوة وسوء الخدمات واصلاح النظام السياسي

يا استاذ نصير
المجتمع ايضا يمرض كما الجسم يمرض عندما تمر عليه الفيروسات
والبكتريا الضارة كذلك المجتمع يمرض عندما تمر عليه الافكار المنحرفة
والافكار الغريبة والدخيلة الضارة
وهنا يجب علاجه وحمايته لان في حمايته من الافكار الهدامة حماية لعامة الناس
ولكن يا استاذي اتدري كيف يتم علاج المجتمع بصورة صحيحة ؟؟
يتم علاج المجتمع بصورة صحيحة عن طريق
(( الامر بالمعروف والنهي عن المنكر ))
والذي حثنا عليه واكد عليه نبينا الكريم اشد التأكيد
والذي تركناه وراء ظهورنا فاصبح من الماضي المكروه والغير مستساغ لبعض الناس .
انا لا يعنيني صجمة وسعلوسة بقدر ما يعنيني المجتمع ككل
فهؤلاء وغيرهم هم انعكاس لما موجود من انحراف وفساد مجتمعي عام .

[عاشق ساندرا حاج]

ارجع واقول المشكلة ليست باصحاب الابتذال ولكن المشكلة بالمجتمع الذي جعل منهم مشاهير ؟ وهذه أول خطوة بالاتجاه الصحيح تقوم بها الحكومة العراقية منذ عام 2003 وهذه الخطوة برأيي لم ولن تتكلل بالنجاح اذا ما تم بتر رؤوس المحتويات الهابطة امثال هيفاء حسوني واحمد البشير وستيفن نبيل هم من شجع وادى إلى ظهور هذه القاذورات التي مكانها الحقيقي سلة النفايات