هنا

[افول]

حل غضبها
الارض ما تقبل صلح ممن غصبها
دگت اطبول المعارک بیهه او عس عس حربها
البیض و الحمران هجمت بیهه ردمت، الحاصل ایدمر عربها
ابتلت بالغازی استمر یشرب دماها بل غزاها او ما رحم ارحم یربها

[افول]

هل هلالک
بالسماء او یبرج خیالک
انت من حیدر علی کاسب جمالک
بالمضایف بالصرایف شامخ او رنّت دلالک
لا تناسی گوم واسی الحره منتظره الغضب تستر حلالک

[افول]

هرول الهه
گوم ساعدها ابعجل و ارفع حملها
اسنین مبتلیه ابمرض دمرها و امعرقل رجلها
نایمه اعباد الله منهه جاها عزرائیل قابض روحها او طارد نسلهه
مطر مطرتها المصایب و الدلال العدها غایب یا عجایب حافها او راید یذلها

[افول]

مو صحیحه
انچمل انعید ابفضیحه
شمم الهه الیوم هاضت منهه ریحه
فاح دخان الموده امن المجالس و الگبر یعلی ابضریحه
شمس داوی اینور خدها صافیه النیه او حنینه موطه او حلوه او ملیحه

[افول]

شع بدرها
نایمه و الواوی جرها
بس حرامی مو بشریترس نظرها
چردساها او مرمراها الحاسد اودگ النطرها
او حال بیها میته و ایطالب ودیها ساکره و ایدث ثمرها

[افول]

مخه عایب
الضافها ایدور الطلایب
یا نخلنه یا شجرنه ما یموت او عدنه شایب
راعی البستان غرد و الورد عطّر مضایف و انت سایب
اترفرف اعلام البشاره ابکل مناره ابدر ثمینه و البحر بمواجه ذایب

[افول]

دگ صفیره
اتثقف ابعلم العشیره
لا تعاقب ناس مبتلیه ابمدیره
محتفظ بس بالمصایب عالشعب ینزل خریره
اتهوس ابطن الشوارع بالبوارع فکره مذمومه او خطیره

[افول]

شفته جارک
بالحسین اکتب شعارک
و ابعلی الکرار انصحک بالنجف کمل حوارک
اتوکل اعلی الله او رسوله و ابهتاف الله و اکبر و احمی دارک
و ابو فاضل سان سیفه او جاعد ایصافح مضیفه او طیفه زارک

[افول]

الکدر ما ذل عزمنه
هل الهلال ابسلامه او گلنه صمنه
انعاید ابنور الحضاره بس فگرنه ایکر زلمنه
تفرقه او بیرق مگابر و المشایخ و الطوایف من یلمنه

[افول]

شعر الهرمی
ابداع جدید من الشاعر جاسم ثعلبی