هنا

[افول]

طیّرنی حبّک للنجم
ودّانی
و أدری إبگلبک من صدگ
ودّانی
إتحسّدنه کلمن بیه فتن
ودّانی
إو کل مدّه واحد من ذنوبه إمگنطر

[افول]

دگ دگّتین إرداف گلبی
إو شفتک
باسک إبوجناتک إبعین
إو شفتک
لتگلّی ما نوصل إبحبنه
إو شفتک
أنت إلوحید إببطن گلبی إمدثّر

[افول]

مرمرنی إبو إعیون إلخضر
مرمرنی
یمطر عطر مثل إلبدر
مرمرنی
ما ینکسر گلبه صخر
مرمرنی
خبّلنی طوله و إبثیابه إمشمّر

[افول]

یگلبی إتحذّر إمن إلجاک
ویّاک
إبلطافه إیسایس إو لو ضحک
ویّاک
تری لو بیده هوّه إبنار
ویّاک
إو یدوّیک إو یطگ چیلاته بإلباب

[افول]

یگلبی إشما عزت بإلفرح
ولعاب
إنتصرت إو سیّد إلمیدان
ولعاب
صنعت إهمومک أنا دمه
و لعاب
إیتمرجح بیهن إلشامت هدیّه

[افول]

خیط إجروحک إبمیبرک
وألضم
إلوارط ما یفیده إلصبر
وألضم
روحک لو لفاهه إلفکر
ولضم
إغسلهه إبرکعه وی سید إلبریّه

[افول]

هاتِف صیح للهانک
بذانک
إو طهّر گلبک إلسانک
بذانک
کافح غِیر بإیمانک
بذانک
إبثوره إو خل جمیع أهلک تچیّه

[افول]

ولفی زهدنی إو بإلشعر
مسّانی
إتگرّب لی بزنی بإللفظ
مسّانی
إبجدره إو حرگنی إتبریدت
مسّانی
إیخوط بیّه إو دار بیّه إمدوّر
...