مساء الخير شلونكم
اليوم جنت بغداد وصار عندي شغل مريت لبغداد الجديدة وجانت شوية ازدحامات .
جنت كاعد بالسيارة شفت واحد شايل دبدوب احمر ومحلات معلكين دباديب حمر وهدايا وتذكرت الرميثي
العام الرميثي راسلني كلي ابو حسين محتاجك بشغلة كتله بخدمتك كول كال شنو الهدايا الياخذوها بعيد الحب.
كتله هذا استاذ واكع بالحب ضحك بين علي العشق
المهم كتله ياخذون هدية و دبدوب احمر وهالترتيبات كال تمام عاشت ايدك
ورا يومين رجع راسلني كلي اشتريت دبدوب
دزلي صورتهكتله شنو هاي مبين تستاهل ماخذ دبدوب حجم جبير .
كال بس اكو مشكلة كتله شنو كال لا اني شايفها ولا هي شايفتني شلون راح نلتقي
كتله بسيطة من تتواعد وياها تكللها راح الزم بيدي نفاخة حمرةكال عاشت ايدك اشكرك هواي كتله تدلل يمعود اني بالخدمة .
غاب يومين والرميثي ماكو مختفي كلت خل اسأل علي شنو الاخبار .
جاوبني بس حسيته ضايج كال تواعدت بمكان بالشارع ولازم بيدي الدب والنفاخة الحمرة وانتظر بفارغ الصبر جان تفلت النفاخة من ايدي وتطير بالسما
ضليت حاير شسوي ماعندي نت اراسلها بقيت واكف كلت بلكي تجي وتشوفني واكف وتعرفني
تعبت ومليت من الانتظاركل شوية واحد يباوع وذبلي كلام فديت الدبدوب هاااا ابو الحب
ضجت وشمرت الورد والهدية بالكاع
ورجعت للبيت كبل راسلتها وتعاركت وياها
وجان تجيني الصدمة الثانية كتله شنو خير كال تدري منو طلع يراسلني كتله منوجان يكلي طلع فقار
داخل بحساب بنية ويراسلني وخلاني احبه
كتله حب يتشاقه وياككال يا ابو حسين شقاه ثكيل كارتين ابو العشرة محولة وسوالفه متتسولف
جان ضايج ومصدوم
عيد الحب عن قريب ونشوف المريثي شمحظر هالسنة
رد مع اقتباس
المشاركة الأصلية كتبت بواسطة زهرة اللوتـــس
