بس امن العتب
بسّک یگلبی او جوز
یا روحی اعتقد طوفی الصبر کافی
الحفروا بیر موتچ طغو بالتنکیل
یریدون الصلح والفاله بچتافی
بالظاهر احنان البسمه بالشفّات
احترگت ابنارهم مشتعله بطرافی
یمکرون ابمکر و بعذارهم نعسان
اداوی بالمحن مو نایم او غافی
شیل الرایه بیدک و انسف الدولاب
یگلبی العزّه الک مکتوبه باوصافی
دگّیت الصبر رشیته جرحی او طاب
صرت نار او لهمت الحارگ الحافی
عوف الطائفیّه البیهه مرکب غیض
البیارق بالعشایر مشعل او طافی
یحرگنی ابناره الگال بیت افلان
اموت امن الخجل من تیبس اشفافی
کلنه اولاد یعرب و العرب بستان
ثمار الجنّه باحفاد النبی اتشافی
خلیهه مع اللّه انقدر بیک ابللیل
جزاء الحسان الک ما یوفی بانصافی
گمر ریتک تشع بارض او سماء الخلّان
نور اللّه السمح خل یشبع الحافی
الحسن واحسین وین ابگلب کل مجنون
حبهم جنّه یزهی والظَلَم طافی
سر شایل ضمیرک ضمّه دمعه ابعین
یشوف الرب عذابک لدقة اسلافی
احب ویاک اسافر و ارشد المندوم
ابطن گبر اللیامه اتبلسم الطافی
لطیف انت او حنانک مثل نهتت شوگ
اریدن حب عذب ما اریده متعافی
رد مع اقتباس
المشاركة الأصلية كتبت بواسطة فقار الكرخي
