هنا

[افول]

لا تبچین
و الدمعه علی تنزل
شبه سچّین
تجرح بالگلب متعذب المسکین
لا تبچین
نتلاهب ابنار الفرگه ملتهبین
لا تبچین
اشلون الدمع ینزل عالوجن نهران
او عند اللّه الطلابه امفتحّه البیبان
الصبر مفتاح للهم و الیهم خسران
و احنه ابدار حبنه اهوای مشتاگین
لا تبچین
میفید البواچی و الزعل و النوح
کلنه اهوای بینه اجروح
واحدنه حزین اعلی الصبر مطروح
عمر عشناه متعذبین
لا تبچین
یا زهرة حیاتی حبی الچ ما ضاع
و ازلوفچ سنابل تنزل اعلی الگاع
سفینة عمری بیهه اشراع
ما اخلیهه سکته او عالهد باقین
لا تبچین
یا شمس الضحی او ضیچ یشع نوره
یهلال الکرم و النجمه ناطوره
ابشرچ و انتی منصوره
دگی اعلی الرکاب الخیل
صوت اهل الحوافر یغث ناعوره
کلنه اویاچ متحزمین
او علی اعناد الیضدنه ابثوبچ اتعرسین
لا تبچین
ارید اقسم قسم بالفاگد الچفین
اید اباید متحدین
لا تبچین

[sawsanmahmoud]

حلو.. تسلمين

[افول]

حلو.. تسلمين

الله يسلمج ست
شكرا