هنا

[الكوتش]

شهيرة عن أسباب اعتزالها الفن: شغلني عن ربنا والصلاة (فيديو)



الفنانة المصرية شهيرة

أكدت الفنانة المصرية شهيرة أنها مترددة في العودة للتمثيل بسبب أمور كثيرة طرأت على الوسط الفني.
وقالت شهيرة، في مقابلة تلفزيونية مع برنامج "كلام الناس" من تقديم ياسمين عز والذي يبث عبر قناة "إم بي سي مصر": "فيه عروض بتوصلني وأنا ببقى متحمسة جداً وقتها، ولكن لما بفكر وأقول طب والورق، أهم حاجة الورق لأني بقالي فترة طويلة أوي مطلتش على الناس بأي دراما، فبعد السنين دي كلها الواحد بيبقى قلقان بردو، ومش عارف بعد السنين الطويلة دي هيقدم إيه للجمهور".

واستكملت شهيرة حديثها قائلة: "عرفت إن المناخ والمهنة بقت صعبة وبيشتغلوا بالـ18 ساعة، وعلى أيامنا كان 8 ساعات حاجة كده بشياكة وحلوين أوي وبنبقى واعيين باللي بنعمله، مش بنعمل نص دورنا وإحنا تعبانين، الحاجات دي قلقاني لأني مش واخدة على كده".

وأشارت إلى أن نجلها السيناريست عمرو محمود ياسين، دائماً ما يحذرها من العودة خوفاً على صحتها، قائلة: "دايماً عمرو ابني بيقولي والله يا مامي ما هتقدري، ده شيء مرهق جداً، الدلع اللي كنتي بتدلعيه زمان مش هتلاقيه دلوقتي، ممكن لو جاتلي فرصة لا تعوض أتحمل وأنزل".
وكشفت شهيرة تفاصيل اعتزالها التمثيل على الرغم من نجاحها الهائل، مشيرة إلى أن حبها للتمثيل أبعدها عن القُرب من الله، بجانب رغبتها في التفرغ لرعاية زوجها الفنان الراحل محمود ياسين.

أسباب اعتزل الفنانة شهيرة
وكشفت الفنانة شهيرة في حوارها مع برنامج "كلام الناس" سبب اعتزالها الفن قائلة: "اعتزلت الفن لأنه شغلني عن ربنا والصلاة ولاحظت إني كنت بصلي بسرعة عشان ألحق التصوير وقلت لازم أختار وأبعد عن التمثيل اللي هو هوايتي وشغلي الوحيد".



وواصلت شهيرة: "بقيت أقضي وقتي في قراءة القرآن والأحاديث ومناجاة الله؛ وبكلمه من قلبي باللغة العامية ودون تكلف لأنه أنيسي وونيسي وجليسي.. ومحمود ياسين مطلبش مني أعتزل بالعكس هو مكنش يعرف واتفاجئ بـالقرار".

[Gehad Youssef]

هى تقريباً نص شعرها بس ال أقتنع بالحجاب والباقى لسه مستنى الهدايه ،
شكرا يكوتش