كلمات شتفيد الصور ناموا بالتراب || كرار الفاطمي
للتحميل والاستماع اضغط هنا mp3
شتفيد الصور ناموا بالتراب
ودعنه اشكثر بالمگبره احباب
شچم غالي علينه. دفناهم بدينه
شتفيد الصور ناموا بالتراب
……
شكد احنه دفنه وادم اعزاز
يوميه الدليل ابوصله جناز
ماعايز صور للشوفه معتاز
يتراب النجف بس خلگك الفاز
شيفيد الدمع بالمگبره هواي
ارشمن من اروح ابدبة الماي
مشو عنه وبقينه.. دفناهم بدينه
عافونه وصفت نتحمل امصاب
شتفيد الصور ناموا بالتراب
……
المودع عزيزه يشتهي النوح
يتسله ابونينه ابليل الجروح
ونه ابلياك كلشي البيه مذبوح
اوخر بيك بس من بالي متروح
شحالك بالگبر والوحدك تنام
والشوفك دليلي الليله محتام
تفارگنه انتهينه. دفناهم بدينه
وبنص الگبر ماينفتح باب
شتفيد الصور ناموا بالتراب
……
شگد راحوا ولاندري ابخبرهم
اليطب للمگبره اتلاگيه صورهم
بعد طيبه السوالف من ذكرهم
ويانه انتها وخلص عمرهم
متروسه النجف اشكال الالوان
گرايب والعمام وحته جيران
بجنايزهم مشينه. دفناهم بدينه
وخوان واهل وهواي الصحاب
شتفيد الصور ناموا بالتراب
……
الفاگدله اخو وحزامه مجسوم
ظهره منكسر ومغطه بهموم
يريد يگوم بس مايكدر يگوم
عليه بس الجروح ابواهس اتحوم
المظيع ظهر يتوچه ويطيح
ينخامن بعد بالشده شيصيح
دمعته ابطرف عينه. دفناهم بدينه
معذور الدمع من يملك اسباب
شتفيد الصور ناموا بالتراب
……
اعاين للصور واصفگ على الاه
الربو ويانه عافونه اعله ويلاه
الكبر بينه عمر موسهله ننساه
ولو بچفوفنه الترفه دفناه
دفنه اعمارنه گدام العيون
الصور مرات تكسر خاطر الكون
على الراحوا بچينه. دفناهم بدينه
خلو بالگلب من ماتوا اصواب
شتفيد الصور ناموا بالتراب
……
رد مع اقتباس
المشاركة الأصلية كتبت بواسطة زهرة اللوتـــس
