هنا

[افول]

دار إلحوار أشعار شکل إلحرابه
بین إلسمر و إلبیض کلفه إلطلابه
.......
إببیتی إنفجر برکان والساکت إنهان
بین إلسمر و إلبیض إلحسّانی تعبان
......
ندوه إبتدت بإلذات بإلدارمی إو هات
بین إلسمرو إلبیض و إیدورن إثبات
***
إجتمعن إبمیدان صارن فریقین
و إتدلّعن بطوار صابنّی بإلعین
***
صار إلحچی إچویمات و أنا إبّطن بیر
شچّن إسباع أثنین ما أدری شیصیر
***
هاجم فریق إلبیض و أطواره کلفات
شنهی إلسمر عبدات عند إلأمیرات
***
صاب إلرمح بإلعین سمر إلحبایب
ینتغمن إمن إلبیض گصّن گصایب
***
شو خاله مخبولات گص إلشعر عیب
نتحاور إبترتیب من هسّه للشیب

[افول]

کلهن إخبال إلبیض ما عدهن إحساس
یتغاون إلکل شاب و إیعذبن إلنّاس

[افول]

إلبیض إلمثل مضروب کلّه إلحسنهن
إمن إلسمرتسوا
إهوای کل وحده منهن

[افول]

منتن أصل نسوان أنتن دعایه
و إتخونن إلعشّاگ حتّی إلنهایه

[افول]

أسّسنه إحنه إلشوگ جایس بإلإعضام
و إلّی نحبّه إینوح ما یگدر إینام

[افول]

عدنه إلشهاده إثبات لیلی إویه مجنون
هل سمر صارن صیت للّی یعشگون

[افول]

بیضا زلیخا إهوای هم عدنه عنوان
یوسف نجی إمن إلبیر و إبحبهه حزنان

[افول]

إنتن بیاض إلعین و إحنه سواده
یجفی إو یصک إلباب إلما عنده راده

[افول]

إنتن ظلام إللیل و إحنه إلفجر دوم
إمخنفس وکتچن لیش و إیعبّی إلهموم

[افول]

إحنه إلنهز إلکون و إحنه إلأصایل
إیشوف إلعذاب ألوان إلیتسمه عایل