وهسة مادام أنتهيناأسمحلي أذكرك
خل أذكرك من بدينا
لمّن چانت تهدل أمتون السوالف
واحنه لسّة بـ عزّ حچينا
لمن چان العتب نظرة
الشوگ نظرة
وحتى نار الغيرة نظرة
والجريء البينا چان لسانا عينة
أرد اذكرك من گلتلي هواية أحبّك
آنه والله أحبّك
گتلك أبشر وآنة هماتين أحبّك
چنة فقرة
لكن أتذكر وكتها الدنيا صارت بين أدينة
ومدة عدت والتقينة
ومدة عدت، وأنجرحنة
ومدري ياهو الخان بينة
ومدة عدت بيها حيل تغيرينة
واحد آعلة الثاني صار يريد زلة
ودسنة فوگ جروحنة وقصدًا مشينة
والتهينة ولبسينة گلوبنة ثياب الكرامة
واحنة نعرف بين كل خلّ وخليلة
مبهذلة ثياب الكرامة
وعاندينة
والحچي يطول حبيبي
وأنت تتذكر غناوينّة وبچينة
وصح بِعدنة
وصح چوينة گلوبنة وغصبًا جفينة
لكن محلفة الساعة تگول إذا لحظة نسينة
وانتهينة..
وهم أخبرك للأسف موش انتهينة ..
لچن يبني وحگ عينك
من أغمض
تردّ ذيچ أيامي كلها
وهيچ أحسّ هسه أبتدينة
وانتهينة ..
رد مع اقتباس
