ام الخيرة خلصتني من مشكلة شكبرها
شفت علي الواسطي ناشر صورة الجوارينة
هاي مرة تاخذ خيرة للنسوان
وجان عندي موقف وياها مرة وكفتلي وكفة ما انساها طول عمري
وكلت اسوافها الكم
هاي فديوم من الايام
خابرت على بنية صديقتي
وجان يطلعلي اخوها
اني كلت الو وجان هو يكلي تفضل فقار
كبل غيرت كتلها باجر جايكم خطابة ودازلكم ناس والتساهيل من الله
واني جايكم من الباب على سنة الله ورسولة بس اطلب موافقتج
ما انطيتة مجال يحجي
جان يكلي كل الهلا بيك فقار احنة نتشرف بيك
ولك ازكطة تورطت
طبعا اهل البنية يعرفوني
والله وجان اشوفها تمشي
كتلها ام زهراء واكع بورطة
جان تضحك كالت ماكو شي يمي ما اله حل
بس احجيلي بالتفاصيل ولاتكذب حتى اعرف اتصرف
كتلها هاي البنية مجلبتلي وصارلها كومة تخابرني واخابرها
ولزمني اخوها
وطبعا اهل البنية رب مال مشاكل
كالت سهلة
بس تكلفك ٥٠٠ الف
كتلها ومني هدية ٥٠٠ بس خلصيني
جان تجيبلي ٣ نسوان
وكالتلي خابرهم كلهم امي وخالاتي
راح يجنكم يشوفون البنية وياخذن رأيها
خابرتها الهاي البنية وهم طلعلي اخوها
كالي كل الهلا بيك نسيبي العزيز
دنعل ابوك لابو نسيبك
كتلة اهلي راح يجوكم كال اهلا وسهلا
دليتهن البيت وراحن النسوان
ورة ساعة رجعن واني على نار
بس لا جفصن بشي واتعكل
اجني ورة ساعة وكالتلي ام زهراء روح اني اصيحك بعدين
ورة ٣ ساعات كالتلي هذني اتفقن على موعد النيشان
ولج شسويتي كالت معليك هسة رايحتلهم
وراح اخربط السالفة
وراحتلهم المغرب
من دخلت البيتهم جان البنية تخابرني
لك فقار الحك
ولج شكو
كالت لك هاي ام زهراء خربت الخطوبة
وراح حلمنا
دنعل ابوج لابو حلمج
كالت واهلي تخبلو وكالولها لأم زهراء
روحي الاهل الولد وكليلهم يعتذرون منكم
ماكو قسمة
كتلها معليج اعيد المحاولة
والله لليل اجتي ام زهراء جان تكلي جيب المليون
كتلها يا مليون
كالت رحت سويتك كاولي وطلعتك من..
والعالم كالولي روحيلهم واعتذريلنا منهم ماكو قسمة
كالت اول ما دخلت البيتهم وجان يسألوني عليك
وجان اشعل صفحتك
خلف الله عليج ام زهراء وهاي ٥٠٠
ومن استلم راتب اجيبلج الباقي
كالتلي الباقي الك وبعد لا تسويها
من يومها تبت من البنات وما اخابر
وكل خميس بدال ما اسوي ثواب
اسوي عشة واودي لأم زهراء عليها السلام
والله الموقف حقيقي
رد مع اقتباس
المشاركة الأصلية كتبت بواسطة هـآئِـم ۦٰ
