بالثلوج امجحله وتريد الدفو
وغير هالشي روحي أبد مارايده
.
لكن اللاكوني ما بيهم اخو!
فاهيه الجلمه الحجوها وبارده!
.
الدنيا من تعكس تلاكيك ابعدو
وسادت اعليك الأبد ما سايده!!!
.
هو بلعيد ابلبس كلش حلو
ابيا سمل عود انته راح اتعايده!
.
اتذكريت ابناس وانتوا اتخايلو
جانت اتلمهم عطايا الزايده!
.
ابطلبهم جنت أكول ادللو
اهواي ناس وجنت اقدم الفايده!
.
من طحت يم الشماته اتحولو
ابنكته بيه اوضحكه حلوه وكاعده!
.
انه ما الوم النسوني وما اجو
هاي دنيا اعله المثلهم شاهده!
هاي دنيا اعله المثلهم شاهده!
حسين االساعدي