سوري ماعندة فيزه
السلام عليكم
اكو ولد سوري جاي للعراق قبل سنتين
وماعندة لا اقامة ولا فيزة
داخل للعراق عن طريق القجق
يعني داخل بصورة غير شرعية
ويشتغل بمطعم ويريد يرتب وضعة
يخاف يلزمو الشرطة
وطلب مني استفسرلة عن الاجرائات
حتى يبقى بالعراق ويشتغل
كتلة مبدئيا انت اذا تشوف الشرطة سوي نفسك اخرس
على ما اسألك والله كريم
منو يعرف شلون يبدي يرتب امورة قانونيا
جا انتة مو من الشرطة ليش ما تلزمة وتسفرة ؟؟؟
ايبااااه شكد مشتاقلكالمشاركة الأصلية كتبت بواسطة الرميثي
انت ليش ماتجوز مني
ولو دائما تذكرني بمواقف ابد ما انساها .
وذكرتني بأبو مهدي
فديوم من الايام جنت طفل صغير
ودزوني اجيب صمون
رحت للفرن جبت واجيت جان اشوف
جلاب ٢ واكفات براس الشارع
طبعا هن مال زينة بس اني طفل جنت ما اعرفلهن
جان اشيل طابوكة
كلت اذا يتقربن يمي اضربهن
اشو هذني كامن يجني علية وكلت بعد مابيها مجال
لازم اضربهن واركظ
تقربن كلش وجان اسمطلي واحد منهن بطابوكة
على راسة وخليته يرافس ويصيح
وذبيت الصمون وركظت
من الخوف شفت بيت مفتوح الباب مالتة
ودخلت بي ابجي واصيح الحكوني
بالبيت جان اكو رجال بكد الرميثي
كلي لاتخاف عمو كول شبيك كتلة عمو الجلاب لحكني كالي سهلة
جان يجر الماسحة وطلع عليهن
بهاي الاثناء اهل الجلب لكو جلبهم مدمة
ويرعص بالكاع
شافو هذا شايل ماسحة
جان يلزمو يصكطو تسكط
التمت العالم صارت هوسة طلعت من البيت
ورحت اركض عكس بيتنه
ورة نص ساعه رجعت للبيت
لكيت ابوية الله يرحمة يصيح ولك وين جنت
كتلة مو ابو الفرن بعدة مامطلع صمون وضليت انتضرة
كال همزين عبالي بهاي المعركة الصارت
كتلة شكو
كال خطية هذا ابو مهدي شكدة شكبرة
ميستحي لازملة جلب ومصكطة
واهل الجلب ملخو كتل
وهسة ابو مهدي بالانعاش
والجلب فاقد الوعي ودو للبيطرة
والهذا يومك يريدون بس يعرفون منو هذا الطفل
حالياً العراق منع اعطاء اقامة عمل للسورين و لبنانيين بسبب الكساد
بس يگدر يسوي فيزة سياحة و كل ست اشهر يطلع من العراق يروحله فد شهر ويرجع
بس هم تبقى مشكلة اذا لزموه يشتغل يسفروه
لكن حالياً بس هل طريقة تمشي
هو مجرد يروحلهم يجلبون بي
يكلولة شلون دخلت
اي حبي يسافر لبلده
ومناك يقدم فيزة
وافضل وقت يقدمها قريب الزيارة الاربعينية لان يصير تساهل كلش قوي بذاك الوقت
رد مع اقتباس
