فرق من كمت احسك وابعد الناس
واكول وداعتك والخاطر البيك
وبس جرحك يغزر بين الجروح
وعله هذه الجرح رحم الله والديك
انته بثكل بعدك بيه لو جيت
وانه بخفت خيالك من اتانيك
يسموني الشماته الضايع وياك
واضيعهم جميعاً من الاكيـك
نطيت المو أليه بسبب فركاك
واكللهم اخذوهن حته اخليك
لاينطيني الله اسمع يكولون
واكللهم شكلتو الله ينطيك ؟
تمر براسي لحضاتك بسامير
واحط تفكيري خشبه واستعز بيك
انه برحة خيالي نامت الكاع
شعجب تتهم جتافي ماتغفيـك
وسويته العليه وخليتك تروح
ولبيت الوصيه البيها رايد
وصلت الملح كامل عل جروح
امانة الله ماخليت واحد
مو مشتاكلك بس كلت مشتاك
اجذب لو كلتلك الله شاهد
للشاعر احمد ابو العز
رد مع اقتباس