أخبرک یألخنتنی إو راید إتعود
بعد للعشره ماظل درب موجود
جسور إلحب عفتهه
طفتهه إو کسّرتهه
تحمّلتک صبرت إو صبری محدود
***
إذا قصدک تعود إلمن عفتنی
متأامر علی ما خبّرتنی
إتبعه إلغشّک إویای
کذب من گلّک إهوای
إطمیعی ما یفید إیخذلک إردود
***
تدری إویاک صادق من هویتک
عجیج إو فص نقی صافی لگیتک
عذرک بعد میفید
إدفنه إبلیلة إلعید
فخت منّک عساک إو ضیمک إیزود
***
گلبی إلتارکک و أنا إشبدیّه
بعد ما أریدک أنت إتعن علیّه
إصورّک شگّگتهه
إلرسایل دفّنتهه
إنمحه کل ذکرک إویه إثیابک إلسود
***
بعد کافی تمرنی إو لا أمر بیک
نشف حبّک إبگلبی و أنا ناسیک
بس ما أسامحک روح
إنهضمت إو گلبی مجروح
إلعهد خنته أعتقد و إبذاتی مشدود
***
أخبرک یألخنتنی إو راید إتعود
بعد للعشره ماظل درب موجود
رد مع اقتباس
المشاركة الأصلية كتبت بواسطة وتــْـْْـْــــــــر
