إلدّنیا إمغیمه إو زهیّه
ترعد إو یم إلبحر
إبذکرک إو عنّیت إلیّه
إبساحل إو حدر إلمطر
***
چنت تتمنّه إنتقابل
نمشی نحچی إبذکریات
و إلمطر ینزل علینه
إبخیمه بإلبیده إو نبات
***
ما تجی
واگف و أتانی
أترقّبک یم إلنهر
إتبلّلت و أنت إعلی بالی
وإلحگ إلگلبی إنفطر
وینک إو عینی إعلی دربک
تعلم إو گلبی إعلی گلبک
عایش إویاه إو یحبّک
طایح إبشوگک یندبک
***
إتعذّبت
منّک یغاسی
لا تمرمرنی إبتلیت
لا تسد بابک علیّه
إمن إلندامه إشحصّلیت
***
رضّی أهلک خلنه نفرح
گلهم إلحب مو حرام
إلحب ستر یجمع طوایف
بإلفرح بإلإحترام
***
إبعینک وصیّه
خلنی بعیونک کحل
أنت من ربّی هدیّه
ما أریدنّک تذل
***
طوف کل هم إلعلینه
و إلفرح مجبل قریب
و إلبس إثیاب إلنجابه
أنا ویّاک إو نسیب
***
ما إجیت إو شفت صوره
بإلسماء إو شکل إللمیع
وجهک إو مرسوم تبچی
تزهی إبوکت إلربیع
من هو إلسد باب دربک
أللّه لا یرضی علیه
ثمن حبنه ما یعرفه
ریته إبحب یبتلیه
***
بعد لا تبچی أنا یمّک
إبگلبی ساکن مو بعید
و إللذّی یمنع عشگنه
إحساسه یمکن من حدید
***
إتعاهدینه إو وگّعینه
إبدمنه و إلیترک محال
ما نخون إلعهد ثابت
للفتن ماکو مجال
***
إتولّع إو عینی إویه عینک
بدر و إتشع إبدلیلی
إو نجمک إیدور إبسمانه
إلیوم باچر من تجیلی
***
یا عزیزی إو یا حیاتی
تکسر إبگلبی إشجرالک
مانی ناسیک إعلی بالی
عمر یخطف لی خیالک
***
إعتقد لازم و أذکرک
إذا وصلینه إلمصیر
أخشی لو طبعک تبدّل
تشبع إو تبعد تطیر
***
ما أوصّیک إو أحذرک
إلعاقل إو تکفیه إشاره
إلشوگ یعمی إلبیه صیانه
یحرگ إلغافل شراره
رد مع اقتباس