بهاء سوادي


امشي والدنيا بَـرد ،
والليل نَـاي..
يعـزف،
ويرسـم،
ظَـلامك يَـمْ ضـواي ..
والهَـوى يگطّـر على ضلوعي حَنـينْ
ومدري شنهـي؟

ومدري ويـن ؟
ساعـة وحده من الثـَلج..
رَدّتْ شَمـس ذيـچ السِـنين،
-امشي والدنيا بَـرد
وچُـفوفي سَـيل ..
وليل ياخـذني ،
ويِّـرد بعيوني ليـل ..
والهـوى العِـذري رِسَـم وجهك گُمـر ،
وفَـزز بروحي الجگـاير والسَـهر ،

ومدري شنهـي؟
ومدري ويـن؟
نمشي انـه وگـلبي.
نِنـدل ابّعضنا وتايهـين،