هنا

[مجيد السيد السيد]

امس بالليل اطيوفك فززتني
وهذاك الليل طول الليل مانمته
امس بالطيف
تلكيتك طول بطول
تبسمت وبستني انته
امس واه ياليل الامس
شوفني حبيبي الصار
عشر اسنين ماشفته
كعدت وياه
والدمعات تتكاطر على خده
وفرشت الروح وبحظن الروح كعدته
كعدت وياه
وبجيت وياه
عاتبني وعاتبته
عاتبني ويكلي
وينك يبو كلب الحنون
ليش اليوم عالقسوة علمته
عاتبني ويكلي
عشر اسنين جدمك ماخطه بابي
انت نسيت لو عنواني ضيعته
عاتبني ويكلي
اسمك بالكلب محفور
اسمي ليش مامرة ذكرته
بجه وبجيت وياه
منهو الكال يمعود نسيتك
انه جاوبته
ومنهو الكال
يمعود نسيت اسمك
اسمك بالكلب بالروح
بشفافي لظمته
وتريد اجي البابك بعد
ويعود لحزانه الكلب
وهمومه وحسرته
لاياحبيبي الصار صار
وانتهى كلشي
وحمدت الله وشكرته
امس بالليل
اطيوفك فززتني
وهذاك الليل طول الليل
مانمته
مانمته
مانمته
بقلمي
مجيد السيد

[زينب | ١٤٢٤ هـ]

ڪلمات في قمه الروعه والجمال

[سُكر]

روعاتك

[أبو ملاك]

. اسمك بالكلب محفور
اسمي ليش مامرة ذكرته

صورة شعرية بألف صورة..
سِمتها الوفاء.. وإطارها الذكريات..
عاشت إيدك حبيبي مجيد..