هنا

[افول]

أنا إلچنت لک روج
و أنا إلچنت مای
أشبگک و أشبعک بوس
من تگعد إحذای
***
أحاه یا جمال إلبیچ
طیر أحلی من طیر
و إلقسمه تلعب دور
یا ربّی و إتصیر

[افول]

گلبی إلک مو للغیر
لو عافک إیموت
ألبسمه إبکفن منعوت
و أرسمله تابوت
***
إبذکرچ أنام إللیل
و إصورّچ إویای
و إسمچ عطر و إیفوح
متواجد إحذای

[افول]

صوتک یریع إلروح
لو عطشت إتهیم
و أحتسر حسرت موت
خنگ إلبلاعیم
***
إینسّم هواچ إویای
لو عطره إیفوح
إیخبّلنی شوگچ حیل
و إبحضنه مطروح

[افول]

أنت ألهوا و إلمای
و أنت ألشرائین
إبگلبی و ألولی إعلیک
خل تغفه إلعین
***
أنتِ إلنفس و إلروح
و أنتِ إلهویّه
و أتمنّی أعیش إویاچ
حد إلمنیّه

[افول]

إسم أللّه أسمّی إعلیک
تسلم حبیبی
لو أنت لو مارید
غیرک نصیبی
***
أحبّچ إو عینی إتروح
فدوه إلدمعتچ
إصبری إلصبر مبروک
بیه إو وعدّتچ
***

[افول]

إچّندوب أداوی إجروح
و إتهدّم إلحیل
إلمنعونی منّک ریت
یسحگهم إلریل
***
کل حب و إله عدوان
تکتب تفاصیل
و إلّی حسدنه إرکاد
ما یسوا تنکی

[افول]

یا ریت أشوفک یوم ویّه إلیخطبون
و أهدی للمبشرین
وحده إمن إلعیون
***
لا گلبی لا تفدین
عین إبسلامه
ما حصّل إلمنکوب
بس إلندامه

[افول]

إلعین إو گلب مهداة
فدوه إلضحکتک
أهدیت إلنفس و إلروح
یوم إلعرفتک
***
مشکوره
و أفدی إلروح
دلالی و إلعین
إبگبرچ و أموت إویاچ
لو لن تقبلین

[افول]

زامطته گلبی إزماط
لو لحظه ینساک
صخره إبمکانه إتصیر
إلما یرضی یهواک
***
عفیه إو ألف مبروک
بیچ إو أهنّیچ
إگلاده إبذهب مسکوک
و إبسدری أخلّیچ

[افول]

خلّینی أعیش إویاک
و أشبع سوالف
عایفنی ذاهب لیک
أحس گلبی حالف
***
أتحلّم إبطرواچ
چن جالسه إویای
إو کل لیله أفکّر بیچ
چن نایمه إحذای
***