هنا

[ارجع يازمان]

زخي زخي
هلبت اتشطفين (كاع) اتنكست من البشر!
بالأصل همه ذيابه,, لكن اتغشنه الصور!!
هاي الكلوب العليهم صارت اقسى امن الحجر!
لا يفكرون ابقيامه ,,,, ولا يخافون القدر!
زخي زخي
وأدري لو تيزاب تمطر.... ماتنظف اكلوب سوده, اشلون تنظف بالمطر!!
ندري بالمحتاج يطلب,, قبل لا يبدي ابكلامه,,ابسرعه قدمنه العذر!
العنده
عالماعنده
مايصرف نظر!
احنه جا صرنه اوادم,,
لوما الاحساس انتحر!
*
احنه قصتنه الغريبه
اتشبع اليسمع قهر,
نصنع امصاب المصيبه
انتاجر ابزرع الخطر!
احنه واحدنه عجييه
ابكثر مايهوه الغدر!,
*
عدنه وادم,,
بالصدك ماهم بشر!
ما أظن راح إتنظف ,, روحهم وسخه اشكثر!
البحر
منهم تنكس
لازم انشطف البحر!!
*
الحرام ايصير عادي طالما ايزيد السعر!
لا خلص من عدنه عايش!!,,لا هذاكه البلقبر!
احنه بس نصعد ال الله يمكن انبوك الكُمر!
لازم انبوك الكمر!!

حسين االساعدي

[دُعےـــآء]

صح لسانك .. عشت اخي

[ارجع يازمان]

صح لسانك .. عشت اخي

حضوركِ اجمل دمتي بخير