أشكال البشر كلمن ابشكل اولون
مو كل الالوان انطبقت ابلونك!
أكو من الكلب تتواعد الملكاك ,,,وأكو لاجل المصالح كلمة اشلونك!
لا تمشي ابحجيهم
امشي بلمضنون
ترى ابافكارهم راحوا يصدمونك!
الناس امفرقه وتجمعهم الغايات,, مو كلهم سوى ذوله اليعرفونك!
تلكه اهواي وادم
ما يحبونك
وتلكه المنهم ايذب روحه لعيونك!
خط رجعه خليلك ويه كل الناس,,,ما زال الملح يحكم ابماعونك!
يوم الما تضد لا تضد حد الموت,, ويوم الما تحب لا تمشي بظنونك!!
ممكن بالتضدهم لو وكعت ابضيج,, ينسوون الحقد كله وينقذونك!
والتظنهم سند بمواجه العدوان,, ممكن كبل عدوانك يكسرونك!
حسين االساعدي