ما عندک گلب واحساس ، سمچ مذموم ما تحلم
مستانس تذم اسباع ، یجیلک یوم تتندّم
ما اریدک تعذب الروح ، ترش ملحک علی المجروح
عهد و اتواعدیت اویاک ، من احبابی ما تسلم
***
ما تذکر سهرت اویاک ، او بفراگک عمت عینی
هسّه اتگنطرت بهموم ، اذکرک و انت ناسینی
شنهی السبب تتعذر ، ابشرک ها ولک تخسر
مو سهله الوفاء بالذات ، مو مای او تبدینی
***
یا وسفه الدهر خلّاک تتکلّم علی و اخطیت
چنت حاسبلک الف احساب ، اشوفنّک شمع بالبیت
شجاک او تنکر الطیبات ، نسیت اوکاتک الصعبات
تبچی و الدموع اتسیل ، اذا ناسی انا منسیت
***
روح او داعت اللّه اویاک ، ما اریدن گلب قاسی
ترکت الّی طلع بد ذات ، عدو وایگطّع انفاسی
گطف و امن الثمن مسلوب ، جگاره او بالدرب مذبوب
بسراری ادوس اعلیک ، لو یهتز شعر راسی
***
خلهه بالفکر نیشان ، الک مظمومه هالعیله
ملک و اتحرشیت اویاه ، لازم ذنبک اتشیله
یجیلک یوم ادگ اثبات ، عبره للعدل و المات
گلبی نار ، یشعل دار ، افهم قصدی او تحالیله
***
الخیانه ابعینک اتراویک ، تحرگ بیتک ابزیتک
الف مره اعلّم بیک ، و انت اتدمّر ابّیتک
نایم ما تطّر ادروب ، من العفرته متتوب
مثل اطرش ابزفّه اتدور ، عینی های تالیتک
***
رد مع اقتباس
المشاركة الأصلية كتبت بواسطة عُلا العراقي
