هنا

[ارجع يازمان]

من يتراهن؟
كلمن هسه ايجيب اجروحه
ويهزهن حيل ابمرجوحه!!
يختار اجروح الماتزعل!,, تقبل باللجمه المفضوحه!
شرط الجرح اليوكع منهن , تنشال االكاع ومتلوحه!
والسجين الينطخ بيها,,, كون اتضل عميه و مذبوحه!!
ممنوع امصايح ومدافع,, بس الطعنه اتضل مسموحه!
كلش عادي الصب الدمعه , بس شرط الدمعه الممسوحه!!
مسموح النوح ابكل صوته ,, بس لازم ما نسمع نوحه!
من
يتراهن؟؟
واليتراهن خل يستعجل,, لتضيع الفرصه الممنوحه!
هاي الفرصه الما تتكرر,, ضلت كدامك مطروحه!
اليربح
راح انصفكله
وفوك اجروحه انرش املوحه,,,
واليخسر
لازم يتعهد
يم اجروحه ايضحي ابروحه!
يم اجروحه ايضحي ابروحه..
من يتراهن!!!

حسين االساعدي