هنا

[فقار الكرخي]

البارحة البرد اشتد

وامي صارلها اسبوع تركظ وراية
يمة روح صلح الصوبة عاطلة
جان اخذها واروح على ابو الصوبات الكاه معزل
طكت روحي ٣ مرات رحتلة والكاه معزل

اخير شي اخذتها ورحت على ابو الانشائية
كتلة متصلح صوبات
كال يمعود هي شيرادلها
ابيعلك فتيلة وانت شدها كلش سهلة

قنعني واشتريت منه فتيلة ورحت للبيت
فصخت الصوبة



اجيبها منا واردها ما دبرتها
وامي فوك راسي ها كملتها
حجية بس اصبريلي خبصتني خبص
جان يوكعن البراغي جوة بالحوض مال الصوبة
اريد اطلعهن ماكو
عبالك وكعن بنص البحر
جبت مغناطيس واريد اطلعهن ماكو
ايدي متدخل بالفتحة صغيرة
وكوة دحستها وجريت برغي
بس شنو ايدي تملخت
الحلك حاد ومن اطلع ايدي تطير لحمه منها

لا اكلكم ولا تكلولي اديناتي تملخت










ماطلعت البراغي اله وتافل المر
وادية املخة

عاد ورة ساعة نكعت الفتيلة بالنفط
وجان تشغلها وحطت القوري عليها
نارها تخبل





جان تكلي يمة تعبتك بس جاي اشتم
ريحة مال تكة تطلع من الصوبة

يا تكة اووووف غير تگشرت ايدي بالتانكي مال الصوبة
وذبيت ربع كيلو لحم




منو يعرفلة دكتور مظبوط

[ملكةه]

هاي البرد هيج مسوي بيكم

الله يساعدك

[دُرر الطائي]

عزااااا شنو هاي ايدك كلش متأذيه

[فقار الكرخي]

هاي البرد هيج مسوي بيكم

الله يساعدك

شنسوي ماعدنا بس الصوبة ندفة بيها

[فقار الكرخي]

عزااااا شنو هاي ايدك كلش متأذيه

اي والله يا درر
تملخت ايدي من ورة الصوبة

[دُرر الطائي]

اي والله يا درر
تملخت ايدي من ورة الصوبة

عندك عركه
ميحتاج دكتور بس گول لـ ابو الصيدليه اريد دهن مالت ترميم جلد هو ينطيك

[فقار الكرخي]

عندك عركه
ميحتاج دكتور بس گول لـ ابو الصيدليه اريد دهن مالت ترميم جلد هو ينطيك

لا لازم دكتورة تشوفها

[أبو ملاك]

ههههههه شكد أكره الصوبة النفطية..

[فقار الكرخي]

ههههههه شكد أكره الصوبة النفطية..

مو الكهرباء صايرة موزينة هاي الايام
والدنية بردت
والله لو مشتريلي صوبة ب٨٠ الف اشرفلي
ايدي كلش تملخت
وانوب كلساع انلجم عليها


انت تعرف تصلح صوبات

[فقار الكرخي]

يا الله اجاني نوع العلاج من الخارج

تتراسیکلین