گلبك يحرگگ ، مختنگ ؟
گلبك يحرگگ ، مختنگ ؟
متأذي ؟ تبچي إعيونك !؟
تنام إعله ذكره ، معتزل ؟
محد يگول شلونك ؟!
ذبلان وجهك ؟! بس قَلَق ؟
منخطف كلش لونك ؟!
تعبان حيل ومكتشف
كلها تعيش بدونك ؟!
تشبگ جروحك ، والحچي
إبعينك تكسره الدمعه ؟!
وتشتعل حيل وتنطفي
لا انت عايش للضوه
لا بيك ذرة شمعه !
لا بيك حيل وعافيه ؟!
من گد حرگتك بـ الگلب ،
الدنيه مشتعله برد
وانت الچفوفك دافيه !
وشيقنعك وتهدأ بعد ،
شيجيب هاي الفكره !
تتنازل وتبقه حبل ،
وإتمرجحك كل ذكره
هنا لازم إتفتح لان ،
مو كلشي متشابه
بعد ما تعبر من الصدمه !
الانسان ذاك المنتهي
والما يعينك جدمه !
تبدله وتگوم بلا خجل ،
توگف بطولك وحدك
ترسم ضحك كل السمه ،
وإتعيشه كله بگلبك
رد مع اقتباس