هنا

[افول]

اکو صاحب یفیدک دوم ویظل لل أبد عصاک
واکو صاحب صحبته اقمار منتوگع مایظل اویاک
ابعگلک میّز الصاحب لو ردته یشد اگفاک
بلملعب جرّب وگفاته
..............
صدیق الچنت اظنن زین بدیته اعله ابن عمی
وگلت وکت العسروالعوز یوچب یاهلی یمی
بس لاچن طلع غدار وعطشان اعله مص دمی
وچن ذیب امکشّر نیبانه

[افول]

ابعجل لتعوف اخییک والاخو هیبه وعزم
وکلنه ندری الماله احّد باچر اتحوده الزلم
لوتظل اوحید اگلک تکثر اعلیک القِزِم
ومفلوگ اتظل وسط الحومه

[افول]

عربی وافتخر یاناس و ما بدّل عروبیتی
وعله اعناد الیضدنی دوم الف عل راس چفیتی
تظل های اهیه لی عنوان واصیح ابصوت قومیتی
حیدر وولاده الوهامه

[افول]

دخلیلک اخو اخذالک اگلک لا تظل مفرد
لن بیک العدو ایعیل وعنک ابد ما ینرد
لون عندک أخو تنهاب لن الإخو کلمعضد
وابیوم العرکه اتطبر بی

[افول]

انه ماذم الی یسوه انه اذم بس النذل
وانه حاکم عله السانی ما أبّلد بل عگل
انه لو راید اذمن ابد ما ذم النفل
بس الما یسوه ذمیته

[افول]

مشه ذاک الزمان وراح واگلک اخذ کل ناسه
ولفانه هل زمان اجدید وخیم ویطبر ابفاسه
عله الباطل یصاحب بی والحگ کسروراسه
والباطل ظل شامخ بیهه

[افول]

وجدانی الشعرخله ایصیر و اگلک هل الوزن فاله
وسیوف امن الچلم اختار واحچیهن للعله ابماله
دگله انته زغیر ابهای ردلا تگرب الخیاله
زعطوط انته وتعثربیهه

[افول]

بالک لا ترافگ ذیب واتخلّی الک حارس
لن طبع الغدر یا خوی دوم الدوم الک خانس
اگلک لا تأمن بی وهوه للغنم فارس
ومن فچ الفچ یعلس بیهه

[افول]

صدیق الچنت واثق بی وامحسّب علیه ریال
گلت بلهد مثل موح جدامی یغرّگ اجبال
لاچن بلعکس شفته رچیچ وللحمل میال
وما یحمل حملی اعله امتونه

[افول]

أسد من الصحابه اختار وخلّه لل زند قوّا
لئن گالو یصح صاحب احن واحسن من الخوّا
یفیدک من تطیح ابضیج وحیلک بیه یتگوّا
لو لیث امصاحب وهّامه