لگباله أمه تموت .. وايده بديها
ليش الصبح تلگاه .. يدور عليها
تمشي الجنازة .. ويلحگها سكتة
شيسوي معذور .. غير أمه ميتة
لگباله أمه تموت
تمشي الجنازة .. ويلحگها سكتة
شيسوي معذور .. غير أمه ميتة
لگباله أمه تموت
زاد بلا ملح مو فاهي مرات
بلايه الام يصير الزاد فاهي
گضه زينب حزنها وگوه تنشاف
يمهم گاعده .. يگولون ماهي
لوما زينب اصغر منها بهواي
چا محد يعرف الميته ياهي
من شافت التابوت اجه يشيل الزچيــة
صاحت يالحسين شوكت أمشي سبيــة
نزلوا النعش واحباله خلوهن بديـــة
من شافت التابوت .. جابت حصيرة
گلتله يله حسين .. شوف النه ديرة
الفاگد عزيزه .. وماكف دمعته
شيسوي معذور .. غير أمه ميتة
لگباله امه تموت
لگباله أمه تموت .. وايده بديها
ليش الصبح تلگاه .. يدور عليها
تمشي الجنازة .. ويلحگها سكتة
شيسوي معذور .. غير أمه ميتة
لگباله أمه تموت
اليروح ابلا وداع ايروح مكسور
غريب يعيش كلما ناس يلگه
الهظم زينب وداع أمها بالعيون
لان كسر الضلع ماينطي شبگه
محد غمض عيون ام الحسين
من گدما مورمة وحيل زرگه
يتوادعن مثل المطر والغيمة گوه
وحدتهن تحاچي الگلب ياگلبي تگوه
موسهلة اليفارگ محب وگباله توه
مو كل حرگ ياناس .. بالماي يطفه
حرگ الگلب سر بير .. محد يعرفه
العاش بضوه أمه .. وطفوا شمعته
شيسوي معذور .. غير امه ميته
لگباله أمه تموت
لگباله أمه تموت .. وايده بديها
ليش الصبح تلگاه .. يدور عليها
تمشي الجنازة .. ويلحگها سكتة
شيسوي معذور .. غير أمه ميتة
لگباله أمه تموت
علي شال الجنازة وركضت أم عون
وطلع من ظهره عباس ولحگها
وراج إركاض إرجعي يگلها عباس
تگله التركض وميته أمهه حگها
يزينب وانه بالذر خايف إعليچ
واگول حسين هنياله شبگها
حيدر يگلها أمج ضلع يلچمها رجعي
گالتله وخر البي كسر واطيهه ضلعي
لو اكدر ارجع جا رجع لعيوني دمعي
خليني يادفان .. يم امي وحدي
وأحلفلك شما خاف .. مااگلهه گعدي
طايح بديها .. لو گلبي شفته
شيسوي معذور .. غير أمه ميته
لگباله امه تموت
لگباله أمه تموت .. وايده بديها
ليش الصبح تلگاه .. يدور عليها
تمشي الجنازة .. ويلحگها سكتة
شيسوي معذور .. غير أمه ميتة
لگباله أمه تموت
تره كبروا سوه زينب والغروب
ومحد يدري ياهي المغربية
بده يكبر حسين ويزغر الماي
لحد ماخضرت بالطف رقية
المغرب صار ليل إهدعش ياناس
وزينب صار إسمهه الخارجية
من دفعوا الباب .. ونزف محسن دلاله
عبدالله صاح من السما .. انه ابداله
اليشبه علي بسمار إجه وخرّب جماله
كلما يمر خطار .. عالباب يلگه
إستأذن (الزهراء) .. يله تدگه
المحترگه روحه .. وكبرت جمرته
شيسوي معذور .. غير أمه ميته
لگباله أمه تموت
لگباله أمه تموت .. وايده بديها
ليش الصبح تلگاه .. يدور عليها
تمشي الجنازة .. ويلحگها سكتة
شيسوي معذور .. غير أمه ميتة
لگباله أمه تموت
متغيره إمنهد موت أم الحسين
والمگابلته گال منين هايه ؟
البياض ال بالعباية مو للتراب
هذا الشيب طالع بالعبايه
تحركهه المصايب وين ماچان
مثل زينب ولا متحركه رايه
من ماتت الزهره ووصل زينب خبرها
گام إعله حيلة الطف وإجه يكسر ظهرها
دفعوا سماها وطاح من عدها گمرها
كلما يمر الليل .. عالهاشميه
تعرض صور للخيل .. كلها أعوجية
تصيح العقيلة .. ضلعي الكسرتهه
شيسوي معذور .. غير أمه ميته
لگباله امه تموت
ـــــــــ
الرادود .. ملا مسلم الوائلي
كلمات .. الشاعر عباس طالب السعيدي
للتحميــل
اضغط هنا
رد مع اقتباس
المشاركة الأصلية كتبت بواسطة محمد البصراوي
