كال احبك رغم كبرك رغم شيبك كتله واثق من كلامك كال احبك تسوه ميه من الشباب
كتله هاك القلم وقع كال اوقع شنه اوقع كتله كض القلم بيدك وكتب اسمك وشخط على اسمك شخط وطني الكتاب
كال جا شنهي العشك هم بي تواقيع مواثيق وعهود وبي حساب وبي كتاب
كتله جا شنهي العشك هسه تغير لو عشك هسة جديد وتوه طاب
كال لاعيني العشك جا هسه نعمه بكيفك تحب وتبطل لا سؤال ولاجواب
كته ويوي جا عليمن نحجي عن مجنون ليلى وعن كوثير عن بوثينه وعن رباب
خن اسولفلك كبل شنهي عشكنه للنحبه بليل نمشي ونكطع دروب الصعاب
ولو سمعنه بطاري الحب لاكو نوم ولاكو زاد ولا شراب
نكضي ليل شتانه نمشي بغير واهس بلا مسيقى وماكب بس صوت الجلاب
ومشي ويم باب الاحبهم واذب اذني بلكي من ينبح جلبهم (روحي اترد وستراح من العذاب )
ودعي الله الشمس باجر بلكي تبطي خاف ابوي الصبح يكعد يلكه اثر رجليةظال على التراب
كبل جان الحب حقيقي وجان عفه وماكو واحد دنس اطراف الثياب
كبل جان العشك عذري وفقط نضره وماكو واحد بده مايه على السراب
احنه عدنه الحب حزن ونتم فرح ونتم ضحك وحنه اكتئاب
كبل جان الحب هوية وبيهه صورة وبيهه طابع يعني جنسيه ولقب حتى نتساب
كبل جان الحب وعد لمن تواعد لازم تروح وتوافي ولوسيوف مسلطات على الركاب
كال اكلك انته يا عن وكت تحجي ذاك وكتك راح ما يرجع محال
كلشي بلدنيه تغير عن الاول بالوزن صار ختلال
جانت الوادم تحب نيتهه عدله وكلب صافي وصفه حته من الزلال
مو مثل هسه العشك بس بالرسايل لاوعود ولا وصال
كتله قاموس العشك مابي رسايل خاف هذا العشك جابه الاحتلال
لان ذوله العشك عدهم عشك يومين ويبطل لاوفاء لا حرام ولاحلال
كال جا اني اعتذر وسحب كلامي وهاي تحسبهه عليه
لان درب العشك عدكم قصه ودروس وقضيه
وحنه هسه العشك عدنه الولف يمشي ويولفه وعينه للثاني شهيه
كتله جا مو عشك هذا شلون ولفين بكلب واحد سويه
كوم روح وداعت الله بس اوصيك بوصيه
من تعاشرلك ولف بالك تعوفه موش نص الدرب وتكله شعليه
ومن تعاشر لا تعاشر ولف ثاني لا ولف واحد ولف واحد يضل حد المنيه
راقت لي
رد مع اقتباس
المشاركة الأصلية كتبت بواسطة fairy touch
