قصر باللون وضافله شويه ماي
جنت بالمرحله الثانيه تعرفون طيش المراهقه وحب التعالي والغرور
كليتنه اسلاميه وكلش متشددين مـــِْن ناحيه اللبس والميك اب
المهم رحت فد يوم لابسه فستان فستقي وهاللون ما مقبول وهويه طالب ما ماخذتهه يانسيتهه اووف شهالمصيبه
اليوم كاتبه تعهد كاتبه شسوي ياربي جاي ادخل مـــِْن باب الاستعلامات لازم اسلم الهويه
اتفقت وي صديقتي تدخل بهويتهه وتنطينياهه ادخل بيه
بهالاثناء شافنه استاذ بالحسابات الْحٍمَدٍ للـّہ طلع عرف
كال تعاي زهراء
هنا قطره دم مابقه بجسمي
كال شهاللون اللابسته والوجه تدرين هالشي ممنوع لَيــِْـِْش تخالفين
بكل برائه كتله استاذ ممخالفه أإأذأإأ ع لون جان ابو المطبعه مفكر يسويه زيتوني بس غير رايه باجر لحضات
كلي انطيني هويتج وكتبي تعهد
كتله استاذ ماعندي بس هويه زينب عُاَدّيَےّ اكتب بيهه تعهد
البنيه جرت هويتهه خايفه
.....
دخلت للقسم عدنه محاضره عقوبات
شكد متشدده دكتورتهه عبالك كاتلين ابوهه
للعلم متاخره عن المحاضره بس 10 دقايق
دخلت السلام ۈعـْليگم
واستقبلتني بذاك الترحيب اليخبل بعد وكت ست لَيــِْـِْش جايه مـــِْن وكت
كتلهه اعتذر دكتوره بس لان طريقنه بعيد تاخرت
كالت وهاللبس شنو موضوعه
كتلهه دكتوره والله ابو المطبعه جان نيته يسويه زيتوني بس قصر باللون وضافله مي صار فستقي
ما احجيلكم عن الشعبه محد كدر يسيطر ع ضحكته والسيطر اختك بيهه
كالت يي جايه لحفله
كتلهه والله دكتوره البارحه حنت ابن خالتي واليوم الزفه حته راسن اروح ما ابدل
باوعتلي بنضره لْـۆ تقتل النضره جان متت بمكاني
كالت امشي اطلعي برررره
ويانه طالب كلهه دكتوره زهراء ورده حبابه ما تقصد شي بس جاي تفهمج
كلتله اطلع انته وياهه
ويانه طالب كلهه دكتورهدكتوره طلعيني وياهم سفره
كالت جيبي هويتج
كتلهه اخذهه استاذ زيد وكلي المره الثانيه لتعيديهه
ما اسولفلكم بعد الطرده عبالك وناسه مو مطرودين من محاضره
قبل فتره شافتني كالت المصنع خلص الوانه لو لٱ
رد مع اقتباس
المشاركة الأصلية كتبت بواسطة دُرر ألـڜـمـري ♥️ ♫
