یا عین کفی الدمع یا عین سلینی
اخلافچ اتیه الدرب محد یدلینی
مسجون باید الغرب و احبابی ناسینی
محد درک قصتی و الدهر بالینی
***
یا عین شال الولف عافانی للتالی
ناره او لهیبه انکشف شب بالگلب عالی
اسنین وسط الگلب اعتقدی علی غالی
لیلی او نهاری ابفکر حال السمچ حالی
***
یا عین شد عالمهر و ابللیل شال او راح
ما خبرانی او ذهب لا ودع او لا صاح
دورت کل العرب ما من خبر و ارتاح
و الدار ضلمه اصبحت من ضیع المفتاح
***
یا عین مثل الشمس یا عین احبه اهوای
هو الفرح و الدوا او هوه الاکل و المای
دمر حیاتی او رحل ما یحلم ابطروای
ما کو وفا و ایاست و اجفه الوکت ویای
***
یا عین شمس الضحی چانت تبارینی
تغمزلی وکت الندم بادموعه تبچیلی
اتزید الامل بلگلب بهمومه تشچیلی
اتبشرنی ازوره او یجی او هالهودت لیلی
***
یا عین سد الدرب و اشلون اشوفنه
من الحبیب اعتقد و انگطعت الضنه
ابعید سافر بعد و اشلون اردنه
تابع صهیل الوکت بس ایست منه
***