خایف على اشفافي ایموتن الچلمات..
وتلعثم خجل ویخونی التعبیر...

من ابعید شفتک وشتعلت ابنار..
چا گلی امنحضنک یا ترف شیصیر..

متحیر صرت من الجمال البیک..
حط للوجه برگع خاف عگلی ایطیر.

سر الحسن عندک وآنه اعرفه اشلون..
ماحسبت اسهر ولفکار اتحیر...

اسمک سری العظم ونته رب الشوگ..
بس ینگال اسمک ارفع التکبیر...

روح انشد امن اهلک منته ابنهم خاف..
یوسف بیک اظن ولگوک وسط البیر.

تتمشه اب ادب کلک محبه او ذوق.
کلشی البیک لعلوم الحضاره ایشیر

او من گتلک تعال اشمالک اختاظیت
او صرت چنک فرس وبعزم گمت اتغیر

اکثر من الازم لاتظن طمعان..
من بالک ارید اتشیل هل تفکیر...

تعال ادفه ابحنانی او شوف معنی الشوگ
یل چنک گطن لاتظن حضنی الجیر

من خمرت اشفافک ردت رشفت کاس
حتی اسکر وصیر الشاعر السکیر

چف ایدک حمامه او خل تجینی الیوم
وتحط علا اچتافی او ما ارید اطیر

یل مشیک حضاری ابنظرتک فنان..
بفلاش القوافی اتریدلک تصویر...

او لون الیوم تمشی اطوف بل اهرام
تاخذ من الزهر لوحه التقدیر...

صغت تاج الحسن وعلی کتبت اشعار
من امرء القیس او من حماس الزیر

وفصلک اهدومک من حریر الصین..
وبعثلک معاهه الشال من کشمیر...







خالد خلف الخنفری