مراحب
بحياتنا نمر بقصص وتجارب واعجاب
ممكن واحد يحب بت جيرانه او زميلته او اقاربه كلش طبيعي .
اني حبيت مدرستي
هو مو حب حب بس النضج والتفكير والتفاهم تجعل من المشاعر بيها انجذاب للطرف المقابل .
مدرستي جان تعزني وتقدرني ومتردلي طلب جانت تسولفلي اذا عدها شي او مشكلة حتى اذا تحتاج شي تطلبه مني بحيث اذا الطلاب يردون شي منها يجون عليه واني اروحلها .
اتذكر مرة من المرات اكو امتحان والطلاب كالوا لمدرسة تتوسط حتى تأجل الامتحان ورفضت طلب زميلتها المدرسة اجوني الطلاب حتى اروح اطالبلهم بتأجيل الامتحان رحتلها جان تأجل الامتحان طبعا المدرسة الثانية ضاجت وبدت تحاربني بالدرجات بس فدوة لعيونها.
مرة لكيت صديقي عنده محبس مشتري لصاحبته .
كتله انطينيا عندي خوش سالفة وفلمتعال ويايه .
خلصت اول محاضرة المدرسة راحت لقاعة المدرسات جان اكو مدرسة هم كاعدة ( هاي اللي كامت تضوج مني ) المهم رحت كتلها ست عندي موضوع وياج كالت اي علي كول المدرسة الثانية كالت اني اطلع كتلها لا ست ابقي اريدج شاهدةكالت خير .
كتلها ست شتعرفين عني كالت خوش ولد وحباب والكل تمدح بيك كتله خوش .
ست اني احبج ورايدجواجيتج من الباب
هي ماتت من الضحك كالت علي وخر من يمي
كتلها ليش شكو بيها وين تلكين احسن مني شتكولين سألت المدرسة الثانية كالت والله مابيه شي انت خوش ولد وتستاهل .
المدرسة الثانية كالت علي متخطبني اني.
كتلها ست كلبي اختار بعد
جان يجي رئيس القسم كال ها بابا علي شعندك هنا
كتله استاذ همزين اجيت اني احب ست ...... واجيت اخطبها واريدك شاهدكلتله استاذ جا انت هم عليه اني اريد اخلص منه انوب انت هم كللها شكو بيها علي خوش ولد ويستاهل
كالت انتهت الاستراحة هسه روحة للقاعة رحنا اجت علينا للدرس كلما تريد تشرح تشوفني تكوم تضحك
علامات الحب بعيونها
.كتلها راح ارجع اكعد بالاخير المهم نص الدرس كضته بس ضحك
المدرسة الثانية بدت تضوج مني لأن هي جبيرة وممزوجة ( لو اعرف الرميثي قبل جان عرفته عليها ) كامت تنقص درجاتي والمدرسة تعاركت وياها ليش شادة ويه علي كالت لا ماعندي شي ويا اني هم كتلها الا انجح غصبن عليج لأن درجات عالية وكامت تضوج مني بالزايد.
المهم ورا فترة اجتني كالت علي اكو اثنين متقدميلي
المهم كتلها الله يسعدج ويوفقجكامت تشوفني متغير كالت علي شبيك ضايج
طبعا مااعرف اكتب شعر بس هالموقف خلاني اكتب قصيدة
ورا فترة انخطبت لمعاون رئيس القسم
ورا فترة من تخرجت شفت رئيس القسم سألته عليها كالت فسخت الخطوبة اني كتله الف رحمة على والديك خوش خبر هو ظل صافن
وهاي القصيدة الكتبتها وقتها
اجتني اليوم تسألني شبيك ؟
اشوفك مو مثل باقي اليشوفون
صحيح انت مني متغير ؟
لو غيرك حجي اليوكولون
علي !! وعيني كالت لاتزعل علي
اني مثل اختك تعرفني شلون
صحت وبعالي صوت شلون ازعل
وياهو يكدر يزعل اليحبون
سعيدة وفرحانة اتمنى كل يوم
وملموم الشمل ويه اليحبون
ولاتنسين عندج اخو يتمنالج الخير
ويفرح الج قبل كل اليفرحون
يفرح دوم اذا انتي تضحكين
واذا زعلتي يكون مهموم
عجيب الدنيا هاي تفرح الغير
وتنسى اليحبون
ويمر الزمان وتدور الايام
واتمنى بوم تتلاكه العيون
واشوفج تذكرين الاخو ؟
لو صار الاخو اسم معدوم
لو صار الاخو شبه معدوم
وسلامتكم
طبعا القصة حقيقية
رد مع اقتباس
المشاركة الأصلية كتبت بواسطة حفيدة حمورابي
