هنا

[افول]

إلدهر من صغری إلی کبری وصلنی
⚘
إو فتن بینه أنا إو ربعی وصلنی
⚘
أحس موتی گرب قادم وصلنی
⚘
إلچفن و إلگبر والم عید إلیّه

[افول]

یگلبی إلدهر بهمومه صلانی
⚘
وحید إو طایع إلامره صلانی
⚘
أخذ تفگه إو لزم صوبی صلانی
⚘
إبعدد فشگاتهه إجروح أخله بیّه

[افول]

علی إلصعبات کل شاهد مضرّه
⚘
إبطبعی إلعدو و إلصاحب مضرّه
⚘
جفونی إلچان صیتی إلهم مضرّه
⚘
عگارب صاروا إتّحدوا علیّه

[افول]

إلیقدر إلخوّه مو کل بشر شلته
⚘
إنجرحت إو ما صعب لی إلجرح شلته
⚘
إخوی إبیوم حمله ثگل شلته
⚘
نکرنی من ثگل حملی علیّه

[افول]

إلما بیه عونه رگّه إو زحف ونمر
⚘
یدور إبیوت بیهه إلثرد ونمر
⚘
إلنسه إلطیبات واوی إبشوج ونمر
⚘
یبوگ إلکحله من عین إلخویّه

[افول]

گلبی بس علی إلبیه رحم ینعاد
⚘
شال إو ما بعد بیه تظن ینعاد
⚘
إلشهم و إبن إلشهم بإلضیج ینعاد
⚘
یدگ رمحه إو نبت بإلموزّمیّه

[افول]

إحملت همهه قضیتی و أنا یرها
⚘
تلوع إو تلد حرها وأنا یرها
⚘
تون ونّه إبنهیتی وأنا یرها
⚘
علی إلراحوا سبایا إلدور إلجناب

[افول]

إلسعاده أجفت علینه من یردهه
⚘
أغضبت و أبعدت منّه من یردهه
⚘
إلرضاهه إدموم طلبت من یردهه
⚘
لغز و إلحلّه خل إیرد علیّه

[افول]

إلفخر مثل إلهلال إبعلن من هل
⚘
إو عطّر روضة إلدیوان من هل
⚘
حرگنی إلدمع لجل إلسبع من هل
⚘
إبرحیله و أندب إصورّه إلبدیّه

[علي الواسطي]

عاشت الايادي يامبدعة