هنا

[افول]

تغربلنی إشتعل صبری دواوین
....
إبنشرتی إلحب علی طورک دواوین
....
إلگلب جرحیته بس گلّی دواوین
....
تطیبه لو یظل یدّی علیّه

[افول]

إنگطع حبل إلوصل بینه ولک جار
....
یگلبی إسحب عهد ولفک ولک جار
....
یگلّی عمری خادم لک ولک جار
....
إوعدانی جنّة إلفردوس إلیّه

[افول]

جفانی إو زاد ضیمی من هوانی
....
یطیر إلشات تعرف من هوانی
....
إقترب یمّی إو سبانی من هوانی
....
حرگنی إو گام یتحمّه علیّه

[افول]

إنتمنّه إو منّه حط للشعب وگحط
....
لفانه إلضیم فوگ إلظلم وگحط
....
یطیر إلسعد صین إلبلد وگحط
....
إعلی راس إلمجد خل إسمک هویّه

[افول]

حنان إلوطن مثل إلگمر وشفیت
....
إلعمر لبّسته ثوب إلمجد وشفیت
....
عزیز إبحبّک إتورّطت وشفیت
....
متی إو یا یوم أخلدک حر إلیّه

[افول]

إبنص إللیل ینحب ونته بینه
....
إنضربت إبلوم هجرک ونته بینه
....
وطن حامل أصلنه ونته بینه
....
إبهور إو بحر و إشطوط إو بریّه

[افول]

وطن بحری إو وجودی ونت باره
〰️
إو گرب لی إلموت أحسّن ونت باره
〰️
ثمر گلبی إبشجرتک ونت باره
〰️
لما یخلف حفد یرثی إلخویّه

[افول]

ختل بینه إلبرمنه من جبرنه
〰️
إو بحرنه نار کبری من جبرنه
〰️
إنتحمّل هل مصایب من جبرنه
〰️
إلجبرنه إعناد ریح إلطائفیّه

[افول]

إلأودهه جرّحتنی کلّ متنی
〰️
إبحب حارق لهتنی کلّ متنی
〰️
إبشفایفهه إلبستنی کلّ متنی
〰️
تگول إلحگنی حبّک نار إلیّه

[افول]

إلحادونی إو ولونی إبتعب ولهم
〰️
أکلف إلروح وأطحن صبر ولهم
〰️
إتراب إو گحط نازل علی ولهم
〰️
أحس موتی گرب صایر ضحیّه