چنت عندی امل تحضرنی وکت الشیب
ابفرد نشله رگعت الباب ناسینی
طریح اموسد الغبره او لفتنی اوجاع
چا وین العهد و المدد حاچینی
***
چنت اتصورک باروده وگت العید
احس ویاک طایر بالسماء السابع
خذتنی اویاک شایل همک او منواک
شجاک او فرقصتنی امن السماء الرابع
***
طحت ما بیه احوسن چردستنی اببیر
اعوفک صعبه الیه او انت تنسانی
لان گلبک صخر میت عشر مرات
نکر کل ذکریاتی او سهری و احزانی
***
تروح او داعت الله او جاور الطرمان
او حط لک تاج مطاطی علی امتونک
او گول انه الفلانی ابن شیخ افلان
خیار الناس هل شتضن یحمدونک؟
***
رد مع اقتباس
المشاركة الأصلية كتبت بواسطة افول
