هنا

[ملكةه]

• الشخصيه القوية حتى تكون عندج او عندك شخصيه قوية لازم تعرفون شلون تكونت شخصيتكم ؛ الشخصية تتغير بمرور الزمن وحسب البيئة والمجتمع لي عايش بيها يعني اذا تعاشر ناس مثقفة وزينين اصير مثقف وزين ؛ تعاشر ناس تافها وكل همها تضحك وتستهزاء هم تصير مثلهم ؛ طيب اذا اني اصدقائي او الناس لي مقربين عليه فاشلين واني ماريد اكون فاشل وضعيف الشخصيه مثلهم شلون ممكن اصير افضل منهم ؟ جواب يتلخص ابعض النقاط لي راح اذكرهن بختصار : -

اولاً : الاعذار : اكثر شي يميز أصحاب الشخصيه الضعيفة هي كثرة الاعذار فحتى تكون ذو شخصيه قوية لازم تبعتد عن الاعذار وقت لي صير مشكله اتحمل مسؤاليه اختيارك وغلطك لا تكعد طلع اعذار ولله صوج من فلان شي لو مو فلان شي كان سويت هيج وهيج ..الخ ابتعد ع الاعذار نهائياً ؛

• ثانياً / القلق : القلق شي طبيعي عند الإنسان وحتى أصحاب الشخصيه القوية عندهم قلق لكن قلقهم طبيعي بينما أصحاب الشخصيه الضعيفة عندهم القلق اكثر من الطبيعي وينطي للقلق اكبر من حجمه ؛ فحتى تنجح وتكون عندك ثقه بنفسك وشخصيه قوية لازم تبتعد عن القلق وتسيطر على نفسك ؛

ثالثاً / التشجيع : لا تنتظر من احد يشجعك ويحفزك دائما انت حفز نفسك وشجع نفسك امدح نفسك حتى من اسوي فد شي بسيط امدح نفسك وكول عاشت ايدي لا تنتظر احد يكلك عاشت ايدك اني انسانه ناجحه اني شاطره اني افضل وحده بالمدرسة اني افضل وحده تطبخ اني افضل وحده ...الخ دائما امدحي نفسج/نفسك وشجعو نفسكم واعرفو قيمة نفسكم حتى تكون عندكم ثقه بنفسكم وتكون شخصيتكم قوية ( الموضوع ماله علاقه بالغرور من تمدح نفسك ما راح تكون مغرور ؛ الغرور شلون يصير مثل اني عندي قناة نصائح وغيري عدها قناة نصائح فاني احجي عليها واقلل من قيمتة محتواها وقناتها واكولها اني افضل منج وانتي فاشله من اني شاطرة بفد درس وانتي هم شاطره بس ابظي احجي عليج واكول هيه فاشله واني احسن منها من ابدي امدح نفسي واقلل واستهزاء بغيري واقلل من قيمتهم واشوف نفسي عليهم هذا يكون غرور لكن من اكول اني انسانه ناجحه وانتي هم ناجحه هذا مو غرور من اكول قناتي محتواها حلو وناجحه واكول قناتج حلوه ومحتواها ناجح هذا مو غرور من اكول اني ذكيه وشاطره وانتي هم ذكية فهذا مو غرور ) من تمدح وتشجع نفسك بكلام ايجابي وتحاول تتحدى نفسك حتى تكون انسان ناجح هذا يعتبر "تحفيز ذاتي" هذا يساعدك بالنجاح بحياتك ؛

رابعًا : نظرتك لذاتك / انت شلون اشوف نفسك ، اذا تشوف نفسك ذكي الناس راح اشوفك ذكي اذا اشوف نفسك انسان ناجح راح يشوفوك انسان ناجح واذا كانت نظرتك لنفسك فاشله راح الناس تشوفك كذالك فنظرتك لنفسك مهمه ولازم دائما تنظر لنفسك صاحب شخصية قوية وتكون عندك ثقه بنفسك فبتالي الناس راح اشوفك صاحب شخصية قوية

خامسًا : انواع الانماط / اكو ثلاث انماط للشخصية :
• النمط العدواني
•النمط والسلبي
• النمط والحاسم

- العدواني : هو الشخص لي يحب نفسه فقط ويريد كلشي بس اله ( مثل هاي لي من يسأل الاستاذ طلاب فاهمين تردون اعيد درس تگمز ودگول لا استاذ فاهمين لا تعيد اصلا سهل! وتحجي نيابتاً عن كل الصف ..الخ من الامثال)

- السلبي : هذا عكس العدواني يفكر بالناس اكثر من ما يفكر بنفسه شايفين بعض الناس لي يحجون بس شيكولون علينا ناس اذا انسوي فلان شي لو هذا عيب منا ناس وهذي مدري شنو واشوفون البعض يحرمون نفسهم من هواي امور بس حتى يرضون الناس وما يحجون عليهم وهمه لي د اقصدهم بكلامي واكو هواي من هل نوع د يقرون كلامي هم فلازم تبتعد عن تفكير بالناس وابدي فكر بنفسج وحيري بروحج

- الحاسم : الشخص الحاسم هو لي يعرف حقوقه وحقوق أصدقائه والناس بصوره عامه ولي من يغلط يكول اني غلطت ويتحمل مسؤاليه نفسه واخطائة لي ما يتجاوز على احد ولا يقبل احد يتجاوز عليه لي يعرف قيمة نفسه الشخصية الحاسمه هيه الشخصيه القوية ولي لازم تكون عند كل شخص ناجح اواعي تعلم دكول لا للاشياء لي ما تعجبك لا تخلي احد يختار بمكانك لا تاكل لي ما يعجبك لا اسوي لي ما يعجبك وارفض الامور لي ما تعجبك ؛ واهم صفة لازم تكون عندك بالشخصية القوية او الحاسمه هيه عدم التبرير يعني من تغلط لا تضل دائمآ تكرر اني اسف وغلطت وكذا و كذا مجرد اكتفي بكلمة اسف وكم كلمة حلوه وبس من شخص يسويلك فد شي حلو لا تضل تمدح وتجامل وتحجي كلمات كومه فقط كول شكرا وهاي هيه لا تجامل ولا تبرر ولا تكون ضعيف لن من سلبيات الشخصية الضعيفة والسلبية كثرة التبرير والمجاملات