هنا

[زهرة اللوتــس]

شنو سلبيات ادارة الدرر

اني هسه رجعت من بعد سبع او ثمن سنين لذلك اشوف الادارة والقوانين حاليا افضل من قبل


تصرف ماعجبج من ادارة الدرر

ماكو


هم تنرفزتي من احد الاعضاء بالدرر

اي مرة وحده

لو بيدج ادارة الدرر وعندج خيار تسوين تغيير شسوين

اختيار المراقبين ابد مااختارهم على حسب النشاط والمشاركات وانما انظر لشخصيته لاسلوبه لتواجده وتعامله مع بقية الاعضاء اشوف هيج افضل

[زهرة اللوتــس]

امنورين
متابعة

عمري

[زهرة اللوتــس]

تكدرين تكليلنا شنو سلبيات ابو عبوسي

عصبي .. يجامل على حساب تعبه .. يحب يسولف وي الجنس الاخر

شنو سلبياتج

خير من الله .. .. خجولة اجتماعيا .. انهزامية .. غير واثقة بنفسي .. واحيانا عصبية .. واحيانا التسرع

اذا شفتي وحدة تتغزل بأبو عبوسي شسوين

اروح اصاحبها .. وتصير صاحبتنا اثنينا

[زهرة اللوتــس]

اهلا وسهلا ومرحبا بيج وبضيفتنا
. .. أم عبوسي..
متابعين... ولنا عودة

تسلم استاذ عماد .. ومية هله بيك

[زهرة اللوتــس]

هم اكو وحدة تغارين منها بالدرر ومضوجتج

اغلب البنات اللي بالدرر حاليا حبابات وصديقاتي

[زهرة اللوتــس]

مزاجج متغيير على طول الوقت ليش

اي نعم .. ممكن السبب هرمونات بنات حواء او ممكن لان گاعده بالبيت

حسيتي اكو اشخاص حاربوج بالدرر

لا ابد



عندج احد تحسي كان الج منافس او حاولتي تنافسي

قصدك هنا بالدرر ؟!! ع العموم بالدرر وخارجه اني ماعندي روح التنافس



شكد نسبة الغيرة عندج

اذا قصدك غيرة من البنات عادية ماعندي
واذا قصدك اغار على ابو عبوسي فاگولك فووووول


شايفه اعضاء الدرر من خلال نشر صورهم
انطيني احلى 3 بنات

مو كل البنات شايفتهم لذلك مااكدر احدد منو احلى .. هن البنات حلويات فديتهن يخبلن

[زهرة اللوتــس]

قرار اتخذته ادارته المنتدى تتمنين تتراجع عنه شنو كان

كلنا نتمنى انو ترجع صديقتنا جنوبية


برايج الادارة ظلمت بعض الاعضاء

اني ماصارلي فترة طويلة هنا .. بس اتوقع جنوبية ماكانت تستاهل حظر دائمي


ماذا يعني لك الامل؟

طاقة اكمل بيها حياتي

صفي شخصيتكِ بسطور؟

هههه مااعرف اوصف شخصيتي ..

حكمة بيت شعر دائما تردديها؟

ليت الذي بيني وبينك عامر
وبيني وبين العالمين خراب


هم مسجلة بغير منتديات

قبل اي هوااي .. بس كاعندي تفاعل بس هنا بالدرر


شنو ميزة الدرر عن بقية المنتديات

الدرر اعتبره عائلتي الثانية .. عندي تعلق روحي وياه .. قضيت بيه فتره لابأس بها من حياتي
بالاضافة الى استخدامه والتنقل بيه اسهل


شنو رأيج ب

فقار

حباب وخوش ولد .. والنعم منه


ام حمودي

ام حمودي بعد .. أحبها بگد رحمة الله حبابة وعفوية ومرحة

ايوشه

انسانة لطيفة واحبها


سوسن

سوسن صديقتي من 2013 حبابة كلش وقبل فترة اكتشفت عندها تصرفات كيوت ان شاء الله ترجع بالسلامة مفتقدينها

ابو حمودي

ابو حمودي منو

العراب

عمو العراب حباب صح عنده افكار مااتفق وياه عليها بس انسان ماشفت منه ضرر ابد .. الله يحفظه

هيفين

انسانة غالية على قلبي

[ملكةه]

شنو رايج بزنوبةة



مو اني ترا اقصد ع بنتج

[زهرة اللوتــس]

احلى ضيفة
شكرا

عمري انتي

[زهرة اللوتــس]

كم مره حركتي الاكل

مو جاوبت وگلت ولا مرة