زلاطة موالمشاركة الأصلية كتبت بواسطة زنـہوبـہهہ
اهل البصره كلهم ريوكهم ثكيل
زلاطة مواهل البصره كلهم ريوكهم ثكيل
من هو الشخص الذي خذلج
هم تعانين من مشكلة التفكير قبل النوم
شنو الاشارات الالهيةة اللي الله يدزها لج مثل بحلم لو شي
احلامج تحقق يعني مثل حلمتي
بواحد مات لاسامح الله ورا كم يوم مات
هم اكو اعضاء مدوخيج غيري
اكثر عضو او عضوه صاروا من المقربين لج
اموري ليش يوميه مخليته بالسجن
اذا ابو عباس طلع لغير محافظه تخافين تبقين وحدج بالبيت
والعباس احبه
ادري ميردلي طلب وراح يوافق
اني شفت الرسالة او النصيحة الدزيتيها
الدرر الشمري
والصراحة تفاجئت من كلامج
تنصحيها تاخذ حذرها من حب النت
وانتي حبيتي وتزوجتي عن طريق النت
هذا تناقض
لو
متحبين الخير الها يعني جائز الله يوفقها
وتتزوج عن طريق النت
لو
تريدين محد يكرر تجربتج
وتريدين تكونين فريدة على حساب
سعادة الاخرين
ايي ليش ندزله دعوه ونشوفوالعباس احبه
ادري ميردلي طلب وراح يوافق
اذا وافق يكون ضيفوالعباس احبه
ادري ميردلي طلب وراح يوافق
كلام شرف راح اخذ اجازة يومين
واخلي يروح للطارمية ركظ
تعرفين تخيطين ؟
عندج مناسبة وعندج قطعة قماش تعرفين تسويها فستان وترحين للمناسبة لو تفصليها مثل الكونية
اجتماعية لو تحبين العزلة ؟
تعرفين الرمز مال موبايل ابو عبوسي ؟
اذا ابو عبوسي غير رمز موبايلة وما انطا الج تسكين لو تضوجين ؟
طلبتي رمز موبايلة ورفض شسوين ؟
هم تفتحين موبايله وتدورين بي ؟
كم موبايل مشترية لحد الان ؟
اخر هدية من وين ؟
اخر هدية انطيتيها المن وشنو جانت ؟
اويلي هاي شگد عدد الصفحات بدون ما اقرا اكيد فقار لوحدة ماخذ فد 15 صفحة بالاسئلة موووووووو هههه
شفت شلون بله
ام عبوسي ، انتِ انسانة كلش لطيفة تعرفت عليج قبل فترة مو طويلة واكتشفت خلالها بيچ شغلة كلش حلوة انچ تحبين تثقفين نفسچ ، من تسمعين شيء عكس قناعاتچ ما تحاربيه وانما تفكرين بي و هذه صفة قليلين الي يحملوها ، المرونة الي عندج راح تخليج دائما انسانة مُتفهمة و گادرة ان تواكبين التطور الي يمر عليچ ، ابقي هيچ ولا تتغيرين ، خاصة من تكبرين ارجوج ابقي هيچ ولتصيرين مثل الشياب الي ما يقتنع بـ اي شيء بس لانه يعتقد بنفسه يملك تجربه عمرية تؤهلة لرؤية الافضل
ان شاء الله اسوي اللي اگدر عليه ومن اكبر اكثر مااخلي عصبيتي وعنادي يسيطر علية واكون متحكمة بحياة اولادي .. اذا الله شاء اتركلهم حرية التفكير والتصرف مع بعض النصائح اللي ممكن تفيدهم .. الله يسمع منك ادعيلي مااتغير واطبق اللي افكر بيه ...
- طبعاً واني افكر انه صارلنا فترة اصدقاء هسه انتبهت انه ما اعرف اسمچ لان دائماً اگلج ام عباس ، بس ما ادري ليش يخطر ع بالي اسمچ زهراء
هههه اسمي دعاء .. بس ابقى صيحني ام عبوسي احلى
- چان عندج مشكلة مع العضو ابن الاشتر بس ما اعرف شنو سببها او ايجوز اعرف لكن ناسي ، سولفيلنا ليش هل تشنج بينكم ؟ صدگ هو وينه هل ايام شو ما اشوفه !
هههه والله ماعندي اي مشكلة وي هالرجال ابد
بس مرة من صارت المعركة الطاحنة بين الاطار والتيار بالخضراء وراحت بيها ناس بريئة مالهم ذنب سوى انهم يقدسون الشخصيات السياسية اكثر من حياتهم .. بس مهما يكون يبقون بشر
ودم الانسان إله حرمة عند الله .. وانوب عراقيين فكلش ضجت وسديت فيس وانستا واجيت للدرر وشفت ابن الاشتر مبسط ويثرم بسالفة صدام والبعث فاستفزني كلش ورديت عليه رد قوي بنفس الموضوع هاي قبل لا اصير بالكادر الاداري
وهو الرجال خطية ماكال شي بس صار ميتقرب من مواضيعي ومشاركاتي ..
وانوب رحت اعتذرت منه مهما يكون هو رجال جبير وتندمت على تصرفي وياه ..
وبعدين صرنا نتلاكه بمدونتك ويكولي افكارج وهابية وكذا هههه فعلى باله زعلت منه او شي
فنزل موضوع يعتذر بيه مني واني اصلا لا زعلانة ولا شي .. اني ازعل من الناس اللي يعنولي واحبهم بس هو ميعنيلي شي ليش ازعل منه يعني ... هي هاي السالفة
اما هو وينه هسه شمدريني .. لازم اني اسألك لان هو صديقك اكثر من عدنه
- شنو تسولفين لـ ابو عباس عن الدرر بعتباره هو ما متواجد دائماً ؟ ويحب يسمع منچ الاحداث لو تشوفيه ما مهتم اصلاً ؟
اكو اشياء ينتبه عليها من اسولف ويبدي ييتجاوب وياي وخصوصا اذا كانت السالفة بيها اعضاء يعرفهم واكو لا ميدير بال اصلا ..
- يگولون الانسان من يحب و يلتقي اول لقاء بحبيبه يبقى يتذكر تفاصيل المكان الي التقوا بي طول عمرهم ، شنو تذكرين من اول لقاء ؟
هههه وين ذكرتني .. الصراحة مدري شصارلي من شفته اول مرة فقدت السيطرة على تصرفاتي من اجه يرجع اهله اللي اجو يشوفوني شفته گاعد بالسيارة بمكان السايق وينتظرهم يصعدون باوعت من زرف الباب طبعا هههه هو اني شفت لو تخبلت ضليت بس اطفر بالحديقة واصيح شفته شفته اي هو هو.. حتى فضحت نفسي هاي واني گايله لاهلي جاي من طرف صديقتي لان صعبة اگولهم من الانترنت وهو بعده مصاير اي شي رسمي بيناتنا ... بس مشوها لي قصدي فرحتي من شفته وماسألوني شنو سببها ابد
- بعتبارج بصراوية هم تگولين انه بدال اني و كضه بدال الزمه ؟ <<< لهجتكم كلش حلوة
كل كلامي بحياتي الواقعية باللهجة الجنوبية .. انه وماي ونگول كضه ولزمه اثنينهن نگولهن .. بس بالكتابة تختلف لهجتي تصير ممزوجة بين الجنوب وبغداد يمكن بسبب اختلاطي باصدقائي هنا بالدرر ... اي چا شلون .. لهجتنا تخبل .. چا وشحلاة الچا
- بعتبار علاقتكم بلشت من النت ، هم واجهتوا مشكلة مع اهلكم و محيطكم بهل خصوص ؟ وشلون توصفيلنه التجربة بعد هل سنوات ؟
شوف اني من راد يتقدملي محمد فكرت وگلت اذا اكوللهم من النت مراح يتقبلون الفكرة وراح تطش بالعشيرة ويبقون ياخذون نظرة انو اجاني عن طريق النت وكذا .. فطشيت سالفة انو هو من طرف صديقتي ابن خالتها يصير .. ومشت السالفة بس اهلي قبل لا تصير الخطوبة ماحبيت اضم عليهم ومهما يكون هم اهلي وراح يتفهمون فگلتلهم تره محمد تعرف علية عن طريق موقع درر العراق وهو من عرف اني اخت محمد العطواني كلش تمسك بية وصارت القسمة والحمد لله هسه بس اهلي واهله يعرفون بقصتنا بقية العشيرة باقيه ماشية عليهم سالفة ابن خالة صديقتي
- سؤال احب اوجهه لكل المتزوجات حتى نشوف مقدار حبها لزوجها هع ، لو اجاج محمد و اعترفلج اني حبيت فلانة و بنفس الوقت كلش احبج ، وشفتيه فعلا متحطم بدونها وبنفس الوقت متمسك بيج جدا ، ممكن تگليله تزوجها و ترحميه ؟ ^__^
يمكن ماتصدگني بس ماادري اتوقع راح اوافق
بس ماراح ابقى انه مثل ماانه راح تختلف هواي اشياء بداخلي تجاهه .. واحتمال اقابل حبه لي بالبرود اذا كان صدگ .. بس مهما يصير مستحيل افكر انو ادمر حياة اطفالي واشتتهم بيني وبين ابوهم .. احاول گد مااكدر انو اخلي الامور طبيعية وودية بيني وبين ابوهم علمود ليأثر عليهم هالشي ... وبعدين ممكن اتقبل الفكرة بمرور الوقت شمدريني .. هواي نسوان تزوجوا ازواجهم الثانية عيطن بالبداية وزعلن وبعدين گعدن وسكتن وتقبلن الواقع ممكن اصير هيج منو يدري هههه .. بعدين ماكو مرة تاكل مرة كلمن گاعدة ابيتها وساكته .. هذا بس حچي تره من تصير صدگ اگلب الدنيا
شلون احجب الرد هذا ومااخلي ابو عبوسي يشوفه
- مدونتج كلش حلوة بعفويتها و صراحتها ، الي تگوليه بيها فعلاً تطبقيه بحياتج لو لانج ناقمة على تصرفاتج لذلك تكتبين هل شيء حتى يحفزج وتسويه ؟ هذا شق الشق الثاني ، شنو رأي ابو عبوسي بالمدونة ؟ شنو يگلج من يشوف كتاباتج العفوية ؟
اكو بيها اشياء من حياتي الواقعية واعنيها جدا واكو لا.. تعجبني واتمنى تصير وياي ... يعني ممكن اكعد اسولف عن صفة حلوة بس هي مموجودة عندي معناها اتمنى تصير عندي ..
واكو مطبقتها بحياتي واكو اتمنى اطبقها وهكذا..
تريد الصدگ رغم هالايام يفتح درر ويتواجد واني گايلتله على المدونة بس مارايح شايفها لحد هسه .. هو مو يم المدونات وكذا امور لذلك مو كلش مهتم ..
_ سؤال اخير واريدج تاخذين راحتج بي و تطولين شگد ما تگدرين بالاجابة ، من اي سنة بلشتي تحبين كرة القدم ؟ منو اللاعب الي خلاج تحبين هل رياضة ؟ شوكت شجعتي ريال مدريد ؟ و اي منتخب عالمي تشجعيه ؟ سولفيلي عن اكثر اللاعبين الي حبيتيهم طول فترة متابعتج كرة القدم ، سولفيلي عن احداث كروية عالقة في م
خيلتچ ، و بالنهاية ، شنو رايج بكاس العالم في قطر ؟ تنظيمياً و تنافسياً
اني مو قديمة وي كرة القدم يعني قبل ب 2007 من فاز العراق بكأس اسيا كنت اتابعها علمود سوالف المراهقة وكذا واحب اللاعب الفلاني ومن حبي له رحت وراه للدوري القطري وصرت اتابعه المباريات هناك بس بعدين من صرت جامعه عفت هالسوالف ونسيت الطوبة وصرت مااهتم لمن اجه الوكت اللي شفت روحي بيه داخلة عالم كرة القدم وهايمة بعشق الميرنغي .. من حقق تلث بطولات لدوري الابطال متتالية ... والصراحة كلش معحبة بزيزو .. سواء كلاعب اشوف فيديوهات قديمة له او كمدرب من درب ريال مدريد .. وشجعت الريال بالجديد مو قديمة يعني قبل كم سنة .. طبعا ذكرتني مرة اخونا جيكي من نزلت برشلونه للدوري الاوربي جان يكولي شبيه الدوري الاوربي من جنتوا بيه ب 85
بس صدك ضحكني وكتها گولتله لا تسولفلي ب 85 امي وابوي وكتها ممتزوجين حتى..
شمدريني اني ... سولفلي بالجديد هسه ..
اشجع البرازيل مااعرف شنو السبب الي خلاني اشجعهم .. يمكن بسبب مهارتهم ويخلونك تستمع وانت تشوفهم يلعبون ماادري بعد
كريم بنزيما قبل جنت كلش اضوج منه ونسميه السرطان اللي ينهش بريال مدريد بس بعدين خلانا نتندم على كلامنا هذا وهسه اني من اشد المعجبين بيه .. فينسيوس الصراحة تعجبني مهاراته وتخطيه للخصم ببراعة هالشي يلفت الانتباه والصراحه مااحبه بس يعحبني لعب ميسي اشوف عنده شي حلو من يلعب ..
يمكن ذكرتلك لواعيب بس من ريال مدريد لان اني بس اتابع مبارياتهم ومرات اتابع برشا من تصير خسارتهم بصالحنا واريدهم يخسرون هههه
كأس العالم نسخة قطر حبيتها استمتعنا الصراحة رغم اني بس بطولتين من كأس العالم شايفتها السابقة وهاي.. بس كانت بيها مفاجئات صدمتنا الصراحة منتخبات ماكنا متوقعين راح تطلع وكنا مرشحينها للفوز لاعبين جدد برزوا بيها .. قطر بدعت بالاستضافة وانطت جهد وصرفت مشكوره طبعا انو كدرت تستضيف هالنسخة اللي استمتعنا بيها بس تبقى اكو اخطاء من الحكام مو كلش دققت بيها الصراحة ... المهم تعلمت منها انو اذا اريد استمتع بمشاهدة المباريات لازم مااتعصب علمود منتخب او لاعب معين لان التعصب بصراحة راح يخلينا نخسر هواي متعة بمتابعتنا للكرة المستديرة
كل الهلا بيك رامي اخوية الصغير وكلش احترمك واسعدتني بتواجدك .. وان شاء ماتعبتني بالاجابة بس شوية هههه ويسعد صباحك
التعديل الأخير تم بواسطة زهرة اللوتــس ; 20/December/2022 الساعة 1:03 pm
