العمر غثاني لين اطويل
ردتك بس سِوَد كل لون
ابيض للعشگ نية
لبست الغربة كلها اشلون
شيگدرك بعد بيه
يالوجهك غدالي اعيون
تبچي ابكلبي ليلية
حنين وليل يردف ليل
والجيات معدومة
اذا يم حيلي سهلة الحيل
بس الروح مهدومة
العمر غثاني لين اطويل
وصبري ازغر امن اهمومه
واتلگاها ابقى امنين ؟
من عندك ؟ امن ايامي ؟
اني اشمدريني حلم العين
هوه يدمر احلامي
ردتك بس النياشين
عبرت وصلت اعظامي .
شدبر يا عذر وتهون
عملتك واقبل ابجيتك
طفح بيه وداعك لون
اسود يوحي وادعتك .
ولك چا لمنا اليخربون
انت العطلت بختك ؟
مراسيلك يَا هالچذاب
على رفي غدن رزمة
ولو احسبهن اني احساب
أعد زحمة على الزحمة.
رگبتك يا بَعيدي اگراب
ما غمدتها أي ذمة ....
اعاتب بس بلا تأثير
گلبك جامح ابطيشه
رجوعك موش حل والغير
ثمل بيك ورغَد عيشه
اشيفيد اگلوبنا التجبير
وانكسرت كسر ريشة .
حسين سعد
رد مع اقتباس
المشاركة الأصلية كتبت بواسطة فقار الكرخي
