هنا

[مجيد السيد السيد]

لاتكلي احجي بصراحة
انته نفسك مو صريح
ولاتكلي حيل احبك
هذا حجيك موصحيح
انه اعرفك من زمان
خاين ومالك امان
انته بغيابي انتشيت
وانه بغيابك ذبيح
لاتكلي احجي بصراحة
انته نفسك مو صريح
.................................
جنت من تغيب ساعة
الكلب يسأل عليك
وبيك لو مرت مصيبة
اعتني للموت اجيك
هذا حبك وين جان
من عفتني بلا حنان
وانه كل ساعة ازورك
وجنت معتبرك ضريح
لاتكلي احجي بصراحة
انته نفسك موصريح
..........................
ما اصدك يوم افرح
وينكسر جنح الرياح
وما اصدك يوم توفي
والجذب عندك مباح
انه ما رايد جنان
انه بس رايد مكان
انسعد بيه واغني
وبيه دمعي مايطيح
لاتكلي احجي بصراحة
انته نفسك مو صريح
بقلمي
مجيد السيد

[ملكةه]

ااااخ بويةة كلماتك بالمكان

عاشت ايدك

[دُرر الطائي]

سلمت اناملك
كلماتك تلامس شغاف القلب

[مجيد السيد السيد]

ااااخ بويةة كلماتك بالمكان

عاشت ايدك

وايدك وردة
شكرا للمرور العطر
تحياتي اليك

[أبو ملاك]

ثق مفتقد قلمك في جميع الأماكن..
قصائدك، تجليباتك، ومضاتك..
وحتى وجودك في قسم بقلمي..

عاشت إيدك..

[مجيد السيد السيد]

سلمت اناملك
كلماتك تلامس شغاف القلب

الله يسلمج ويحفظج
الف شكر على المرور العطر
تحياتي ومودتي

[مجيد السيد السيد]

ثق مفتقد قلمك في جميع الأماكن..
قصائدك، تجليباتك، ومضاتك..
وحتى وجودك في قسم بقلمي..

عاشت إيدك..

هلا بالغالي هلا بالانيق
انت العايش حبيبي
انا مشتاقلك اكثر وردة
تحياتي ومودتي

[زينب | ١٤٢٤ هـ]

حلووو تسلم ايدك

[مجيد السيد السيد]

حلووو تسلم ايدك

مرورج احلى واجمل
تحياتي اليك

[EV ']

الله

عشت