المشاركة الأصلية كتبت بواسطة فقار الكرخي
ذكرتني بأيام داعش بجرف الصخر
جنة مسوين ثكنة عسكرية بنص بستان
والبستان اظلم كلش
وعدنة برج نلزم بي واجبات .
الأمر مالتنا مشدد علينة انو ممنوع منعا باتا نشعل نار
خاف الدواعش يشوفونة من بعيد ويشتغل القنص .
طبعا اليصعد بالبرج يلزم واجب الا يجمد من البرد
فحاطين فوك بالبرج تنكة صغيرة نشعل بيها نار
لأن الامر ميصعد للبرج
وحاطين وياها بطل مال لبن مفرغي من اللبن وتارسي نفط
ونشعل بالبسكوت .
طبعا احنه ٤ اشخاص النشعل نار ومحد يدري بينة خاف يوصلوها للأمر .
فجان عدنه ولد اسمة سعدون
من اهل الديوانية
هذا هواي يعطش . صعد يلزم واجب وبنص الليل عطش
جر البطل مال النفط وكرعة
وكام يصيح الحكولي . الحكولي
رحنه نركظ لكينة سعدون لازم خاصرتة ويصيح راح تموت شربت نفط
اجيت لكيتة شارب نص البطل
بسرعة قبقت البطل وجان اضمة بفلينة
دائما نحط بيها الاكل
اجة الامر يركظ ولكم الحكولة بلبن
جان يفتح هاي الفلينة وطلع بطل اللبن
كتله لا سيدي شرب هواي
كال لا هسة يشرب لبن ويزوع النفط كلة
سعدون يباوع بس ميكدر يحجي بطنه تلوي
وجان يفتح القبق وحطة بحلك سعدون
وكالة ابني اشربة كلة حتى تستفرغ
شغلو الاضوية مال موبايلات جان يباوع الامر شافه نفط
ولكم ولد القنادر هاي شسويتو
وعالسريع ناخذ سعدون للمستشفى
بجرف الصخر ماكو مستشفى فوديناه للمسيب
على مركز صحي تعبان لأن المسيب منطقة تعبانة ومابيها ذيج الخدمات
مديناه عالسدية واجة المضمد باوع عليه
كالة شتحس
سعدون صار ازرك ميكدر يحجي
كام يخاف المضمد لايروح يعالجة بالغلط
ويموت سعدون شيخلصة
كال عيني ما اعرفلة ودو المستشفى الحلة
شنو غير انتو مستشفى وتفتهمون
كال شسويلكم اذا انتو مشربي جلكان نفط
ودو المصلح مال صوبات
خلي يبدلة الفتيلة
عاد وديناه المستشفى الحلة وغسلو معدتة
وشوية صحصح
وكام يحجي
يمعود بس احجي شبيك شصار
كال كلها بجفة ومن اكلكم شربت نفط
ترجعون تشربوني مرة ثانية
والهذا يومك مايشرب لبن لو ماء اله يتذوقة
حتى الورقة مال نفط ما يستلمها
ينطيها للوكيلة يكول اخاف ادخلها ابيتي
انت اكيد عسكري سابق
ولازم كومة واجبات
مع الاسف القضية طلعت من ايدي
رد مع اقتباس
