هنا

[فقار الكرخي]

السلام عليكم

عندي ابن عمي هستوة تخرج مهندس عمرة ٢٣ سنة فجأة تخربط وفقد الوعي
اخذناه مستشفى وتحاليل وباقي الامور
طلع عندة ورم بالدماغ
سوولة عملية ونجحت الحمدلله وتقسمت الايام انو يومية على واحد يبات يمة
وجان يجي دوري ابات يمة

هسة هذا الحجيته فوك انسو وركزولي منا

اكو مضمدة كلساع تجي تشد مغذي وتبدل شيشة براسيتول وتروح

هاي المضمدة بعدها شابة بس مو بنت ياجماعة
بالله تكول زبد
جسم رشاقة طول ابتسامة تهد الحيل
عيون مخيفة
ولهالسبب غبت يومين من الدوام ضليت مرافق المريض خطية خاف يحتاج شي

هي تجي اكلها واشربها اهلا وسهلا
وكلساع اقدملها شي
واضل صافن عليها وهي تضل تتلعثم حتى شغلها متضبطة
وكلساع وكالتلي استريح واني مكابلها.

وكلساع اوكف المغذي واروح اصيحها
بالبداية حسيتها ضاجت مني

انوب حتى المريض يكلي فقار روح صيحها

وجان تجي ساعة ١١ بليل دتشكل مغذي
كلت بعد مابيها مجال خل اطكلهيا
كتلها اني ما ادري وين شايفج انتي وين بيتكم

جان تنزع الكمامة وجرت نفس عميق وباوعت علية
وكالتلي والقران مخطوبة

موقفي اويلي
بلوكة وشامريها على راسي من فوك السطح

وطلعت اصغر مني ب٣ سنوات

شافتني انعقجت
كالتلي تسأل بعد كتلها اي بس سؤال
هيج مخلوقات وين تعيش
اذا اريد ادور وين الكه هيج مرمر
هي تضحك
بس احسها بيها مجال سوالف وكذا

المهم كتلها اني استحي كلساع داك عليكم الباب بليل من يوكف المغذي
والبنات الوياج ينزعجن
جان تكلي سجله يمك بس مو تلح

ورة ساعه

كتبتلها شعر ودزيتة الها ..

الحكينه المغذي عاند ينكط
يالطولج منارة يفحط تفحط
من الطابق ١١ للكاع ست مرات
ادور اعليج حسبة راسنة نخطط
اذا مالج خلك ماحاجة تتكلفين
اسحلنه المريض البابج مكمط
طلب واحد اطلبة وادري متقصرين
خما زحمة المغذي لون بية انحط

جاوبتني بضحكة طويلة وكالت
عادي اشدلك مغذي ميأثر على صحتك
انت شتحس ارهاق ونعاس ؟

كتلها

احس كلبي وكف هاليشكن ضلوعه
تعالي وقيسي دكتة وشوفي موضوعه
ابد ماني مراهق ليش هيج يصير
من شفتج احس بروحي موجوعه
عليج الله تعالي وجيبي كانونة
بالراجيتة اكتبي المرض بعيونة
يكيمر ينوكل من غير صمونة
يا اول بشر من عسل مصنوعه


جان تكلي عزة بعينك
بعد ما اجي المريضك كمت استحي منك


وراها اجتي وتضحك وضلينه كاعدين نسولف
ماقبلت اباوع بوجها تستحي
ضليت اباوع على اديها بشرفي مو ايد عبالك عجين مال جرك بس حرامات ماشفت رجليها جانت لابسة جواريب
و وصلنه لمراحل متقدمة

ودعيتها للمنتدى وراح تسجل ويانه

واذا صارت القسمة نذرت للعباس ابو فاضل
اذبح ١٠ طليان


١٠ طليان ناذرلج لون صارت
قسمتي وياج ياشيشة عطر فارت
خذيتي رويحتي مانام افكر بيج
دنيا الله فرجها بعد ما جارت





شوفو الموضوع حتى احذفة لاتروح تشوفة البنية

[ȺӀì βąҍӀì]

الله يوفقك فقار ، والله اكول فوت بيه وع الزلم خليه ، وان شاء الله تنجمعون على الحلال
زين راح تحذف. هالموضوع وما تشوفه البنيه ، يرادلك هم تحذف مشاركاتك الغزليه بصور الاعضاء


بعد اخوك ما تسأله هم عده اخت

[فقار الكرخي]

الله يوفقك فقار ، والله اكول فوت بيه وع الزلم خليه ، وان شاء الله تنجمعون على الحلال
زين راح تحذف. هالموضوع وما تشوفه البنيه ، يرادلك هم تحذف مشاركاتك الغزليه بصور الاعضاء


بعد اخوك ما تسأله هم عده اخت

والله يا علاوي هاي خوش نصيحة
راح احذف كل غزل الصور صدك خاف تشوفهن


اني سألتها تكول امي نخلة
ما اعرف شتقضد
خاف تقصدها طويلة
لو مثلا نخلة ومحملة عثوك تمر
يعني مخلفة بعد بنات

اوكف اذا عدها خوات الله وكيلك كلهن اخذهن


علاوي يجوز اعزمك عالحفلة مال زلم
حتى تشوف العراب وعلي الواسطي

[ȺӀì βąҍӀì]

والله يا علاوي هاي خوش نصيحة
راح احذف كل غزل الصور صدك خاف تشوفهن


اني سألتها تكول امي نخلة
ما اعرف شتقضد
خاف تقصدها طويلة
لو مثلا نخلة ومحملة عثوك تمر
يعني مخلفة بعد بنات

اوكف اذا عدها خوات الله وكيلك كلهن اخذهن


علاوي يجوز اعزمك عالحفلة مال زلم
حتى تشوف العراب وعلي الواسطي

والله يخوي البنية مبين ذكية كلش وحجيه بالالغاز والصراحة خايف عليك ههههه
قصده امها نخلة ، النخلة ترمز للشموخ والقوة والاصالة ،

عادي فقار انت اخذ الاخوات واني اخذ امها عادي ترى ماكو مشكلة والله

صحيح اتشرف بيكم كلكم

[حفيدة حمورابي]

م̷ـــِْن هاي الغزل ڱڵـه ادري خطيبهه شنو جيس حب
بعدهه مخطوبه وخانت خطيبهه من تزوج شسوي •اللّـہ̣̥ يستر
عيد نضر بقصتك

[Suzana]

ههههههههه تجنن سوالفك
فدوه على كلامك حبيتها
بلكت تكون من نصيبك

[Suzana]

م̷ـــِْن هاي الغزل ڱڵـه ادري خطيبهه شنو جيس حب
بعدهه مخطوبه وخانت خطيبهه من تزوج شسوي •اللّـہ̣̥ يستر
عيد نضر بقصتك

هسه عادي خل تعوف هذاك وين تلكى مثل فقارنا

[حفيدة حمورابي]

هسه عادي خل تعوف هذاك وين تلكى مثل فقارنا

عمري م̷ـــِْن غير شي المحاكم مليانه طلاك التخون خطيبهه وياه وتخونه وي غيره
غير نريدله الزينه

[Suzana]

عمري م̷ـــِْن غير شي المحاكم مليانه طلاك التخون خطيبهه وياه وتخونه وي غيره
غير نريدله الزينه

هسه عود من ياخذها يضبها
هي مراح تخون خطيبها راح تختار الانسب
خليه بواهسه فدوه

[زينب | ١٤٢٤ هـ]

ڪساع مڪرشلك ع وحده لعد الطالبه وين راحت ع اساس وره الامتحانات تخطبهة هسه دور مضمده