السلام عليكم ،
ترددت احجي قصتي لسبب ربما ما يصدقها البعض وسبب اخر خجلي من الغلط الي سويته ،بس كلت ممكن يستفاد من قصتي الاعضاء لان البعض يتوقع الحلف بالقرآن شيء بسيط وما كو من وراه عقاب ، وحتى تكون قصتي عبرة للجميع
المهم ،
قصتي بدأت بايام المراهقة يعني تقريبا بعمر 16 سنة بهل الفترة جنت احب اقرأ كتب الدين واصلي الصلاة بوقتها
بس مشكلتي اني ما استمر بالصلاة يعني اتركها وارجع ، وهالشيء حيل ضوجني من نفسي ،
لهيج كلت لازم اضغط على نفسي حتى ما اترك الصلاة فاجتني فكرة احلف بالقرآن حطيت ايدي على القرآن وكلت يا رب اذا تركت الصلاة مرة ثانية اريدك تكطع اديه الاثنين ، شايفين هاليمين العظيم ، بس مثل ما كلت مراهق
المشكلة بعد الحلفان رجعت تركت الصلاة بس ما اهتميت للموضوع ،
بعد فترة واني نايم حلمت اني امشي بطريق طويل وفجأة طلع بوجهي قرآن جبير كله نور من السماء للارض
واني مصدوم وما حسيت الا واثنين لزموني من اديه ويعلكوني على صليب من خشب ويدكون بسمارين باديه الاثنين كانما حقيقة البسمار يخترق اديه واني اتعذب واتوسل بس فجأة اختفى كل شيء واني بالحلم كلت الله غفرلي وعفى عني
توقعوا لو ما عفى الله عني شنو كان يصير وياي
فيا اخوان اياكم والحلف بالقرآن چذب لان هالشيء عند الله عظيم
رد مع اقتباس
المشاركة الأصلية كتبت بواسطة زهور الحب
