عشرة هلزمان..منشوره بمجلة الحياة الثقافيه..العدد ٩٣...السنه الثامنه شباط ٢٠١٦
........................ ...........................................
عشرة هلزمان ...وجه واحد مااظل كلسا شكل
ضاعت الجوره...
وكفض ذاك الزمان...
هسه عركه وي الحظير وماتفل..
مثل عصفور أصبحت...
بيد الزغار...
كسرو جنحانه ماعدهم عقل..
شلون دهداني الوكت...
وبهل المجان...؟
شرد اجاوب لون فد يوم انسأل...؟
لأن عشرتنه كبل. .
غفه اوقار. .
اليوم مكلوب الحجي وماينقبل...
تالي دولاب الوكت....
بيه يدور...
لني بين الوادم الماتنحمل....
لنهه غابه وابد ..
مابيه امان...
الضعيف البيهه حتما ينوكل....
اجان ابنه يعيل....
شوف انته شيصير...؟
وجان ابنهم عال يمعود طفل...؟
شلون تسلم بله....
من هاي الوحوش. ؟
لو صبر ايوب عندك هم تمل....
تظل بين امرين.....
لو وحشي تصير...
لو تعيش بهلحياة وبيهه ذل...
واذا اني من الزغر...
صاحي الضمير...
هواي نصبولي الشرك بس عنه ازل ..
ناس خبره..
وفولهم لمشندخات...
لو نكيصه الماي للصيده سهل...
بس حميت الروح. ...
واصوابي غميج..
دوم حاير بلجرح كلساع اشل.
ما اعاشر وآدم بعدة وجوه. ..
وجه واحد ما أظل كلسا شكل. .
................... ....
م.
رد مع اقتباس