التربيه = تضحيه
هذا أكثر و أقرب وصف ….
هواي ضغوطات نفسيه تواجه الام يوميا ضغوطات العمل و البيت و الاسره و التزامات اجتماعيه و مجاملات للأصدقاء و ايضا قد يكون هناك التزام دراسي اضافي و التزام العائله الكبيره اهل الزوج و اهلها و الرفق بيهم مساعدتهم و القلق على صحه الطفل و دراسته و نظافته و المن شاف ويامن حجه ممكن شاف لقطه بتلفون راح تأثر عليه وووووووو ….. ضيفي القلق الجديد هوس التربيه الايجابيه شنو الصح شنو الخطأ ….. شلون و منين ابدي و شنو اسوي حتى اتعامل صح ويه الطفل ……؟؟؟؟؟؟!!!!
حقيقه هواي كتب و النت اليوم مليان صفحات و مواقع تتحدث عن قواعد التربيه و أخصائيين هنا و هناك ……. طبعا و بالتأكيد اني كلش ويه الام الي تثقف نفسها تربويا مهما كان اختصاصها و اصلا احنه المفروض يصير عندنا جهات حكوميه مختصه تدرب المقبلين على الزواج و تشوف مدى استعدادهم لتكوين اسره ….. لكننا في بلد يفتقر للكهرباء ف عيب نطرح هيج فكره (مو موضوعنا )
رباط السالفه وين ….. و حتى ما اطول عليكم ….. الحل الامثل للوصول الى تربيه جيده هي القراءه و جمع المعلومات عن الاطفال بس ها مو كلشي جيب و طبق ماكو هيج شي لان اكو اختلاف بين الاطفال و الظروف و النقطه الثانيه و الاهم هي التركيز مع الطفل و معرفه شخصيته نقاط قوته و ضعفه شنو يحب شنو يكره شنو يخاف شوكت يصير شجاع و من صافن شنو ديفكر يعني الطفل هو راح يصير مصدر معلوماتج من خلالها تعرفين شنو راح تسوين بهذا الموقف و ذاك….و هنا بس راح تكدرين تطبقين قواعد التربيه و تلبين حاجات الطفل النفسيه بدون دلال و بدون قسوه …. نعم هذا هو الاعتدال ….
كل موقف يصير ويه الطفل راح تكدرين من خلاله تقومين سلوك و كل كل موقف راح يخليج تغرسين قيمه بداخله
الموضوع مو سهل و لا صعب الموضوع يحتاج تضحيات صغيره كل يوم من وقتج من صحتج من فلوسج من عمرج
رعايه العائله و الطفل من أجمل الأمور الي ممكن تقوم بيها أنجح النساء في العالم #أنتي_أم_عظيمه أستمري و كرري محاولاتج ❤️
رد مع اقتباس
